Forvarnir
Vespur eða létt bifhjól í flokki I
Vespur eða létt bifhjól í flokki I eru þægilegur ferðamáti sem margir nýta sér, sér í lagi þeir yngri. Ákveðnar reglur gilda um ferðamátann sem mikilvægt er að þekkja.
- Ökumaður þarf að hafa náð 13 ára aldri.
- Ökuréttinda er ekki krafist.
- Hjólin eru skráningar- og skoðunarskyld, þ.e. við nýskráningu og eigendaskipti.
- Skylt er að vera með hjálm.
- Aka má á götum en mælt er með að aka á göngustígum, hjólastígum eða gangstétt og taka þar fullt tillit til annarra vegfaranda.
- 20 ára og eldri mega gefa far og verður hjólið þá að vera gert fyrir farþega.
- Ekki má rjúfa innsigli svo hægt sé að keyra hraðar en 25 km/klst. Ef það er gert tilheyrir hjólið ekki lengur viðkomandi flokki og verður þá að taka próf og tryggja hjólið.
- Nánari upplýsingar er að finna í fræðslumyndbandi Samgöngustofu.
Tryggingar
Hjá okkur falla vespur, eða létt bifhjól í flokki I, undir F plús 2, 3 og 4 fjölskyldutryggingar. Tryggingin tekur á eftirfarandi:
- Slysum á einstaklingum sem falla undir viðkomandi F plús tryggingu. Slysatryggingin gildir ekki um aðra sem eru á hjólinu sama hvort viðkomandi er ökumaður eða farþegi.
- Skaðabótaskyldum tjónum sem ökumaður veldur öðrum.
- Þjófnaði á læstri vespu.
- Tjóni á vespu.
Eins og í öðrum tjónum er hægt að skerða bætur ef ökumaður sýnir stórkostlegt gáleysi.