Ferðatryggingar
Ertu að skipuleggja ferðalag?
Hvort sem þú ert að fara í frí, nám, vinnuferð eða vegna annarra erinda, mælum við með því að þú farir yfir það hvort þú sért með ferðatryggingar sem henta þér. Það er mjög misjafnt hversu mikla vernd viðskiptavinir okkar kjósa að hafa enda er tilgangur ferðalaganna misjafn.
Hvort sem þú ert að fara í frí, nám, vinnuferð eða vegna annarra erinda, mælum við með því að þú farir yfir það hvort þú sért með ferðatryggingar sem henta þér. Það er mjög misjafnt hversu mikla vernd viðskiptavinir okkar kjósa að hafa enda er tilgangur ferðalaganna misjafn.Þú getur einungis keypt ferðatryggingu F plús ef þú ert með F plús fjölskyldutryggingu.
- Ef þú vilt kaupa fjölskyldutryggingu F plús og ferðatryggingu F plús smellir þú á Fá tilboð takkann og velur flokkinn Fjölskylda og innbú.
- Ef þú ert nú þegar með fjölskyldutryggingu F plús og vilt bæta ferðatryggingu F plús við þá er auðveldast að senda okkur tölvupóst á vis@vis.is.
Nánari upplýsingar um ferðatryggingar
- Ferðatryggingar kreditkorta innihalda almennar ferðatryggingar en bótasvið þeirra og gildistími er mismunandi eftir tegundum korta. VÍS er tryggingafélag kreditkorta Íslandsbanka og kreditkorta Sparisjóðanna.
- Ferðatrygging F plús er víðtæk ferðatrygging sem gildir í 92 daga. Hún býður upp á ýmsar viðbætur eins og framlengingu á gildistíma og vernd ef þú ætlar að stunda áhættusamar tómstundir eða keppa í íþróttum erlendis.
- Helsti kostur þess að vera bæði með ferðatryggingu kreditkorts og Ferðatryggingu F plús er sá að ef til tjóns kemur eru bótafjárhæðir trygginganna lagðar saman í flestum bótaþáttum sem kemur sér vel ef um er að ræða umfangsmikið tjón.
- Ef þú ætlar að dvelja erlendis umfram gildistíma ferðatrygginga bendum við þér á Sjúkrakostnaðartryggingu erlendis.
- Þegar þú ferðast í löndum EES og Sviss átt þú rétt á þjónustu sjúkrahúsa innan almenna heilbrigðiskerfisins ef þú framvísar Evrópska sjúkratryggingarkortinu.
Við óskum þér og þínum góðrar ferðar.
Staðfesting ferðatryggingar
Í ákveðnum tilvikum þarftu að staðfesta við þriðja aðila að þú sért með ferðatryggingar. Það eru helst sjúkrastofnanir sem þú leitar til erlendis vegna alvarlegs slyss eða alvarlegra veikinda sem þurfa slíka staðfestingu.
Sendiráð, ferðaþjónustuaðilar og aðrir sem skipuleggja hópferðir geta einnig óskað eftir því að fá ferðatryggingar þínar staðfestar áður en ferðalag hefst.
