Hoppa yfir valmynd

Stað­festing ferða­trygg­ingar

Í ákveðnum tilvikum þarftu að staðfestaunderlinevið þriðja aðila að þú sért með ferðatryggingu. Það eru helst sjúkrastofnanir sem þú leitar til erlendis vegna alvarlegs slyss eða alvarlegra veikinda sem þurfa slíka staðfestingu. Sendiráð, ferðaþjónustuaðilar og aðrir sem skipuleggja hópferðir geta einnig óskað eftir því að fá ferðatryggingar þínar staðfestar áður en ferðalag hefst.

Það er misjafnt hversu víðtækar ferðatryggingar viðskiptavinir okkar kjósa að hafa. Sumir eru einungis með ferðatryggingar kreditkorts, aðrir einungis með ferðatryggingu F plús og svo aðrir sem kjósa að hafa ferðatryggingu kreditkorts auk ferðatryggingar F plús.

Helsti kosturinn við að vera bæði með ferðatryggingu kreditkorts og ferðatryggingu F plús er sá að ef til tjóns kemur færðu greitt úr báðum tryggingum ef um er að ræða umfangsmikið tjón. Ef ferðatrygging kreditkorts bætir ekki tjón að fullu getur þú sótt í ferðatryggingu F plús. Þú getur séð hvort þú ert með ferðatryggingu F plús með því að skoða yfirlit trygginga þinna.

  • Ef þú lendir í alvarlegu slysi eða ófyrirséðum og alvarlegum veikindum á ferðalagi erlendis þarf sú sjúkrastofnun sem þú leitar til að fá ferðatrygginguna þína staðfesta.
  • Sjúkrastofnunin hefur samband við SOS International, sími +45 3848 8080 sem sér um að staðfesta ferðatryggingu þína og greiðir fyrir þá þjónustu sem þér er veitt sé málið bótaskylt.
  • Hjá SOS International er sólarhringsvakt þar sem sérþjálfað starfsfólk getur einnig aðstoðað þig við að útvega lækni, sjúkrahúsvist og heimflutning.
  • Ef starfsfólk sjúkrastofnana erlendis kallar eftir upplýsingum um hvernig eigi að staðfesta ferðatryggingu þína getur þú sýnt þeim Information for Medical Personnel.
  • Ef um minniháttar slys eða veikindi er að ræða er yfirleitt óþarfi að hafa samband við SOS International. Í slíkum tilvikum greiðir þú sjúkrakostnað og geymir reikningana. Þú getur látið öll gögn fylgja með þegar þú tilkynnir tjónið til okkar. Sýndu Evrópska sjúkratryggingarkortið ef þú leitar til læknis sem starfar innan opinbera sjúkratryggingakerfis EES. Sjá nánar um viðbrögð við ferðatjóni.

Gildistími ferðatrygginga F plús

  • Gildistími ferðatrygginga F plús er 92 dagar. Þú getur framlengt gildistímann samkvæmt gjaldskrá í allt að eitt ár.
  • Mikilvægt er að þú óskir eftir framlengingu á ferðatryggingum þínum áður en upprunalegur gildistími rennur út.
  • Ef þú stefnir að því að dvelja erlendis umfram gildistíma ferðatrygginga F plús án þess að flytja lögheimili þitt mælum við með því að þú kynnir þér sjúkrakostnaðartryggingu erlendis. Hafðu samband ef þú vilt sækja um framlengingu á ferðatryggingum þínum eða skoða kaup á sjúkrakostnaðartryggingu erlendis.

Gildistími ferðatrygginga kreditkorts

  • Gildistími ferðatrygginga kreditkorts er 60 dagar eða 90 dagar og fer eftir tegund korts.
  • Ekki er hægt að óska eftir framlengingu á ferðatryggingar kreditkorta.
  • Ef þú stefnir að því að dvelja erlendis umfram gildistíma ferðatrygginga kreditkorts án þess að flytja lögheimili þitt mælum við með því að þú kynnir þér sjúkrakostnaðartryggingu erlendis. Hafðu samband ef þú vilt skoða kaup á sjúkrakostnaðartryggingu erlendis.