Forvarnaráðstefna VÍS 2019

Forvarnaráðstefna VÍS

er haldin árlega og býður VÍS viðskiptavinum og sérfræðingum í forvörnum fyrirtækja til hennar. Fjallað er um öryggismál og forvarnir fyrirtækja og stofnana frá öllum hliðum. Vel valdir sérfræðingar og stjórnendur á þessu sviði deila reynslu sinni með ráðstefnugestum. Ráðstefnan var fyrst haldin árið 2010 og hefur skapað sér sess sem fjölsóttasti viðburður sinnar tegundar á Íslandi.

ÍSAGA hlaut Forvarnaverðlaun VÍS 2019

Forvarnaverðlaun VÍS voru afhent í 10 skipti á ráðstefnunni. Verðlaunin hlýtur það fyrirtæki sem þykir skara fram úr í öryggismálum og er öðrum fyrirtækjum góð fyrirmynd.
ÍSAGA er fyrirmyndarfyrirtæki í forvörnum og öryggismálum og starfar eftir nákvæmu öryggisstjórnunarkerfi móðurfyrirtæki síns.
Öll starfsemi og verkferlar einkennist af hárri öryggisvitund starfsmanna sem endurspeglast í öflugri öryggismenningu.

Orri Pétursson, verksmiðjustjóri hjá Ísaga, veitir forvarnaverðlaununum viðtöku.

RB fékk viðurkenningu fyrir árangur í öryggismálum

RB er fyrirtæki sem leggur mikla áherslur á vinnuvernd starfsmanna og leitast við að finna frumlegar lausnir í efla starfsumhverfi starfsmanna sinna.
Öryggismál starfsmanna eru samtvinnuð við ríkar áherslur í upplýsingatækniöryggi fyrirtækisins.

Narfastaðir Guesthouse fékk viðurkenningu fyrir árangur í öryggismálum

Narfastaðir Guesthouse er rótgróið fjölskyldufyrirtæki á Norðurlandi sem rekur gistiheimili fyrir ferðamenn.
Öryggismál hafa alla tíð verið eigendum hugleikin hvort sem snýr að starfsmönnum eða viðskiptavinum.
Fyrirtækið hefur sýnt að lausnir í öryggismálum þurfa ekki að kosta mikið til að efla öryggi í ferðaþjónustu.