Á hverju ári verða snjó-, sjáv­ar- eða aur­flóð hér á landi. Mikil­vægt er að þekkja mögu­leika á þeim eftir stað­háttum og veður­fari.

Mik­il­vægt er að við tökum fullt mark á viðvör­un­um sem sett­ar eru fram í tengsl­um við eld­gos þegar þau eru í gang­i. ­Förum ekki inn á svæði sem eru lokuð og látum lög­reglu vita ef við vitum um manna­ferðir þar.

Þegar gos er í gangi er nauðsyn­legt að við fylgj­umst vel með frétt­um og tökum mark á þeim ráðlegg­ing­um sem þar koma fram. Kynnum okkur hvort lok­an­ir séu á veg­um, hvort Al­manna­varn­ir hafi sent frá sér viðvar­an­ir, hvort meng­un sé til staðar og hver staða loft­gæða sé.

Eld­ing­ar eru ekki tíðar hér á landi miðað við mörg ná­granna­lönd okkar. Hér verða þær aðal­lega sam­hliða þrumu­veðri eða eld­gos­um.

Á vef Veður­stofu Íslands má sjá upp­lýs­ing­ar um jarð­skjálfta sem verða á land­inu. Flest­ir jarðskjálft­ar hér­lend­is eru það litl­ir að eng­inn verður var við þá nema skjálfta­mæl­ar og því er áhuga­vert að sjá tíðni þeirra á korti Veður­stof­unn­ar sem er upp­fært á 5 mín­útna fresti.

Veður hefur oft áhrif á plön fólks hér á landi. Flestir þekkja vel að vera sífellt að skoða veðurspá og færð og þurfa svo að breyta plönum þar sem ekki er öruggt að vera á ferð­inni.  Veð­ur­stofan gefur út viðvar­anir eftir litum út frá því hversu mikil áhrif veðrið getur haft. Mikil­vægt er að taka mark á þeim og gera allt til að koma í veg fyrir tjón og slys.