Starfsörorkutrygging vegna veikinda
Starfsörorkutrygging vegna veikinda er fyrir þá sem vilja vera vel tryggðir ef þeir fá sjúkdóm og geta ekki stundað vinnu sína lengur.
Tryggingin greiðir bætur vegna sjúkdóms sem leiðir til þess að þú getur ekki sinnt vinnu þinni og starfsörorkubætur ef þú nærð þér ekki að fullu eftir veikindin. Starfsörorka hefur þann kost umfram hefðbundna örorku að hún er tengd við starf þitt og metin út frá því.
Starfsörorkutryggingin getur falið í sér bæði dagpeninga og starfsörorkubætur en þú velur hvort þú tryggir þig fyrir báðum liðum eða bara öðrum. Þú velur einnig bótafjárhæðina.
Tryggingin greiðir
Dagpeningar vegna starfsörorku
- Mánaðarlega bætur ef þú veikist og getur ekki unnið. Bæturnar eru þá ígildi launa.
- Bætur ef þú þarft að vera í sóttkví á heimili eða sjúkrahúsi að fyrirmælum heilbrigðisyfirvalda.
- Kostnað vegna læknisvottorðs.
Starfsörorkubætur
- Örorkubætur samkvæmt mati ef þú nærð þér ekki að fullu eftir veikindin.
- Kostnað vegna læknisvottorðs.
- Bætur vegna tannbrots.
Tryggingin greiðir ekki
- Bætur vegna þess hluta sem fellur undir biðtíma dagpeninga.
- Bætur vegna sjúkdóma sem áttu sér stað áður en tryggingin var tekin.
- Bætur vegna sjúkdóma af völdum ljósabaða, lækningameðferðar, skurðaðgerðar eða lyfjanotkunar, nema meðferðin sé að læknisráði vegna bótaskylds sjúkdóms og gerð á viðurkenndri heilbrigðisstofnun.
- Bætur vegna sjúkdóma af völdum eitraðra lofttegunda, nema eitrunin hafi orðið skyndilega.
- Bætur vegna sjúkdóma sem stafa af neyslu áfengis eða fíkniefna.
- Bætur vegna sjúkdóma sem beint eða óbeint orsakast af völdum hryðjuverka vegna hvers konar líffræðilegra eða efnafræðilegra áhrifa og/eða eitrunar, þ.m.t. vegna sýkla og veira.
- Bætur vegna starfsorkumissi sem verður á meðgöngu, við fæðingu eða fósturlát, nema því aðeins að missir starfsorkunnar sé af völdum fylgikvilla. Í slíkum tilfellum er biðtími ekki skemmri en einn mánuður.
Vinsamlegast athugaðu að upptalningin hér að ofan er ekki tæmandi. Nánari upplýsingar er að finna í skilmálum tryggingarinnar.
Sé ósamræmi milli upptalningarinnar og skilmálanna þá gilda skilmálarnir.
Skilmálar og aðrar upplýsingar
Tryggingaskilmálar eru samningur þinn við VÍS. Mikilvægt er að þú kynnir þér skilmálana vel og áttir þig á því hvað er bætt og hvað er ekki bætt, áður en tryggingin er tekin.
Í upplýsingaskjali er að finna stutta samantekt á helstu þáttum tryggingarinnar. Upplýsingaskjöl eru stöðluð skjöl sem öllum tryggingafélögum ber að birta og auðveldar þannig viðskiptavinum tryggingafélaganna að bera saman tryggingar og sjá hvað þær bæta og bæta ekki.
Árlega færðu upplýsingar frá okkur varðandi endurnýjun trygginga þinna. Sjá nánar á síðunni endurnýjun trygginga sem finna má hér fyrir neðan.