Kaskótrygging
Öll getum við lent í óhappi
í umferðinni eða lent í aðstæðum sem leiða til tjóns. Kaskótryggingin okkar bætir öll tjón á bílnum þínum, nema annað sé sérstaklega tekið fram í skilmála. Því er góð hugmynd að kaskótryggja bílinn hjá okkur.
í umferðinni eða lent í aðstæðum sem leiða til tjóns. Kaskótryggingin okkar bætir öll tjón á bílnum þínum, nema annað sé sérstaklega tekið fram í skilmála. Því er góð hugmynd að kaskótryggja bílinn hjá okkur.Saman pössum við upp á bílinn þinn, hvort sem hann er tryggður með hefðbundinni kaskótryggingu eða kaskótryggingu Ökuvísis.
- Þegar þú kaupir kaskótryggingu þá velur þú þína eigin áhættu. Það er sú upphæð sem þú greiðir ef þú lendir í tjóni. Við greiðum þann kostnað við tjónið sem er umfram upphæð eigin áhættu þinnar. Því hærri eigin áhættu sem þú velur þeim mun lægra verð greiðir þú fyrir trygginguna. Algengast er að viðskiptavinir okkar velji eigin áhættu á bilinu 106.900 - 156.800 kr.
- Eigin áhætta þín er sú sama í öllum kaskótjónum.
- Kaskótrygging gildir á Íslandi og á ferðalagi innan Evrópska efnahagssvæðisins, Bretlandi og Sviss í allt að 92 daga frá brottfarardegi. Standi ferðalag lengur en í 92 daga er hægt að framlengja gildistímann gegn greiðslu.
- Kaskótryggingin tekur sérstaklega vel á tjónum á rafbílum. Hvort sem rafhlaða, hleðslusnúra eða bíllinn sjálfur skemmist er hann vel tryggður hjá okkur. Hjá okkur hækkar eigin áhætta ekki þótt tjón verði á rafhlöðu.
Tryggingin bætir
- Tjón á ökutækinu vegna skyndilegra, utanaðkomandi atvika sem ekki eru sérstaklega undanskilin í skilmála.
Tryggingin bætir ekki
- Tjón á yfirborði ökutækis vegna hefðbundins steinkasts af vegi eða þegar steinar/grjót falla af öðrum ökutækjum.
- Tjón eða þjófnað á hvers kyns aukaútbúnaði ökutækisins, nema um annað sé samið.
- Tjón á ökutækinu vegna þátttöku í aksturskeppni eða æfingu í akstursíþrótt.
- Tjón á ökutækinu vegna gæludýra.
- Tjón á dekkjum eða felgum sem stafa af hefðbundnum núningi eða sliti í akstri og meðferð ökutækis.
- Vinsamlegast athugaðu að umfjöllun um trygginguna er ekki tæmandi. Nánari upplýsingar er að finna í skilmála tryggingarinnar.
- Sé ósamræmi milli umfjöllunarinnar og skilmálans þá gildir skilmálinn.
Skilmálar og aðrar upplýsingar
Tryggingaskilmálar eru samningur þinn við VÍS. Mikilvægt er að þú kynnir þér skilmálana vel og áttir þig á því hvað er bætt og hvað er ekki bætt, áður en tryggingin er tekin.
Í upplýsingaskjali er að finna stutta samantekt á helstu þáttum tryggingarinnar. Upplýsingaskjöl eru stöðluð skjöl sem öllum tryggingafélögum ber að birta og auðveldar þannig viðskiptavinum tryggingafélaganna að bera saman tryggingar og sjá hvað þær bæta og bæta ekki.
Aðrar upplýsingar
Skilmálar og upplýsingaskjöl
Forvarnir
Umferð
Umferð
Ferðavagninn
Sumarið er tími ferðavagna. Ef þú ætlar að vera með þinn á ferðinni þá hvetjum við þig til að kíkja á eftirfarandi atriði og vera viss um að allt sé í standi svo þú getir notið sumarsins áhyggjulaus.
Lesa meira