Farangurstrygging erlendis
Tryggingin gildir einungis ef almenn aðgát er höfð við vörslu hlutanna til dæmis að læsa híbýlum og loka gluggum, að skilja hluti ekki eftir á almannafæri og að flytja þá í viðeigandi og fullnægjandi umbúðum. Ef brotist er inn í híbýli þín gildir tryggingin einungis ef ummerki eru um innbrot. Í slíkum tilfellum þarf lögregluskýrsla að fylgja tjónstilkynningunni.
Bótafjárhæð hlutanna er hlutfall af innbúsverðmæti sem skráð er í innbústryggingunni þinni. Þú getur notað innbúsreiknivél til að finna út meðalvirði innbús miðað við stærð fjölskyldu og húsnæðis. Ef breytingar verða á stærð fjölskyldu eða húsnæðis þá mælum við með að yfirfara og uppfæra skráð innbúsverðmæti.
Tryggingin bætir
- Tjón á farangri vegna bruna.
- Tjón á farangri vegna þjófnaðar úr húsum, bifreiðum, húsvögnum og bátum.
- Tjón á farangri vegna ráns.
- Tjón á farangri vegna flutningsslysa.
- Farangur ef hann týnist alveg í flutningi.
- Skemmdaverk á farangri.
Tryggingin bætir ekki
- Tjón á brothættum hlutum sem eru í ferðatöskum.
- Skemmdir á ferðatöskum og hlífðartöskum.
- Tjón á hlutum sem rispast, beyglast eða merjast ef það kemur ekki niður á notagildi hlutarins.
- Tjón á hlutum sem rifna eða skemmast í notkun s.s. fatnaður, skíði og annar íþróttabúnaður.
- Eignaupptöku, kyrrsetningar eða svipaðra aðgerða opinberra aðila.
- Tjón á farangri sem stafar af eðlilegu sliti, galla eða bilunum.
- Peninga, farmiða, ferðatékka, ávísanir, skuldabréf eða önnur verðbréf, handrit og frímerki.
Vinsamlegast athugaðu að upptalningin hér að ofan er ekki tæmandi. Nánari upplýsingar er að finna í skilmálum F plús 1-4.
Sé ósamræmi milli upptalningarinnar og skilmálanna þá gilda skilmálarnir.
Skilmálar og aðrar upplýsingar
Tryggingaskilmálar eru samningur þinn við VÍS. Mikilvægt er að þú kynnir þér skilmálana vel og áttir þig á því hvað er bætt og hvað er ekki bætt, áður en tryggingin er tekin.
Í upplýsingaskjali er að finna stutta samantekt á helstu þáttum tryggingarinnar. Upplýsingaskjöl eru stöðluð skjöl sem öllum tryggingafélögum ber að birta og auðveldar þannig viðskiptavinum tryggingafélaganna að bera saman tryggingar og sjá hvað þær bæta og bæta ekki.