Húseigendatrygging
kaupi húseigendatryggingu en hún er mjög góð viðbót við lögboðna brunatryggingu. Töluvert er um að húseigendur eru einungis með lögboðna brunatryggingu og telja að í henni séu einnig þær verndir sem húseigendatrygging veitir — það er misskilningur sem okkur er mikið í mun að leiðrétta.
Húseigendatrygging veitir víðtæka vernd gegn óvæntum og skyndilegum atburðum sem leiða til tjóns á fasteignum.
Nánari upplýsingar um húseigendatryggingu
- Tryggingin bætir meðal annars tjón sem verða á fasteign vegna vatnsleka frá lögnum, skemmdir sem verða vegna innbrota eða innbrotstilrauna, ef rúður brotna og ef skemmdir verða vegna óveðurs. Þá tekur tryggingin einnig á því ef helluborð og hreinlætistæki brotna vegna óvæntra og skyndilegra óhappa.
- Húseigendatryggingin tekur ekki á innbúi eða lausamunum sem eru í fasteigninni.
- Innbú og aðra lausamuni þarf að tryggja sérstaklega með F-plús fjölskyldutryggingu eða lausafjártryggingu ef um sérstaklega verðmæta hluti er að ræða.
- Ef þú ert með húseigendatryggingu og ert að hugleiða að selja núverandi fasteign og kaupa nýja bendum við þér sérstaklega á að húseigendatryggingin færist ekki sjálfkrafa á milli fasteigna í þinni eigu. Mikilvægt er að ganga úr skugga um að nýja fasteignin sé með þá tryggingavernd sem þú óskar eftir.
- Ef þú ert að flytja úr fjölbýli í sérbýli bendum við þér á að skoða vel kaup á húseigendatryggingu. Húsfélög eru oft á tíðum með sameiginlega húseigendatryggingu fyrir allar íbúðir hússins og algengt að þeir sem eru að flytja úr fjölbýli átti sig ekki á þeim möguleika að tryggja sérbýli sín með húseigendatryggingu. Hafðu endilega samband við okkur ef eitthvað er óljóst og við aðstoðum þig.
Tryggingin bætir
- Vatnstjón sem verður vegna leka úr leiðslukerfi.
- Skemmdir vegna asahláku.
- Frostskemmdir innanhúss.
- Skemmdir á fasteign vegna innbrots eða innbrotstilrauna.
- Brot á gleri.
- Brot á innréttingum, helluborði og hreinlætistækjum.
- Sótfall frá eldstæðum.
- Skemmdir á fasteign vegna snjóþunga.
- Óveðurstjón þegar vindhraði nær 28,5 metrum á sekúndu.
- Fall loftfara á fasteignina.
- Tjón þriðja aðila vegna skaðabótaábyrgðar sem getur fallið á þig sem eiganda fasteignar.
Tryggingin bætir ekki
- Tjón sem gerst hefur smám saman og gerist vegna þess að viðhaldi hefur ekki verið sinnt.
- Vatnstjón vegna utanaðkomandi vatns.
- Tjón á gleri í heimilistækjum.
- Glerskemmdir sem eiga sér stað í byggingaframkvæmdum.
Vinsamlegast athugaðu að upptalningin hér að ofan er ekki tæmandi. Nánari upplýsingar er að finna í skilmálum tryggingarinnar.
Sé ósamræmi milli upptalningarinnar og skilmálanna þá gilda skilmálarnir.
Skilmálar, afslættir og aðrar upplýsingar
Tryggingaskilmálar eru samningur þinn við VÍS. Mikilvægt er að þú kynnir þér skilmálana vel og áttir þig á því hvað er bætt og hvað er ekki bætt, áður en tryggingin er tekin.
Í upplýsingaskjali er að finna stutta samantekt á helstu þáttum tryggingarinnar. Upplýsingaskjöl eru stöðluð skjöl sem öllum tryggingafélögum ber að birta og auðveldar þannig viðskiptavinum tryggingafélaganna að bera saman tryggingar og sjá hvað þær bæta og bæta ekki.
Afslættir og aðrar upplýsingar
Skilmálar og upplýsingaskjal
