Nánari upplýsingar um sjúkrakostnaðartryggingu innanlands
- Sjúkrakostnaðartrygging innanlands er skammtímatrygging og hentar hún aðallega þeim sem eru að flytja lögheimili sitt til Íslands og þurfa vernd þar til þeir öðlast réttindi Sjúkratrygginga Íslands, en einstaklingar teljast ekki sjúkratryggðir fyrr en þeir hafa átt lögheimili á Íslandi í sex mánuði.
- Það kann þó að vera þú eigir rétt á sjúkratryggingu frá Sjúkratryggingum Íslands, án sex mánaða biðtíma, ef þú flytur til Íslands frá öðru landi innan Evrópska efnahagssvæðisins, Grænlandi eða Færeyjum. Þar til umsókn þín er samþykkt getur þú framvísað evrópska sjúkratryggingarkortinu og borgað sem sjúkratryggður eða borgað uppsett verð án niðurgreiðslu frá Sjúkratryggingum Íslands og óskað eftir endurgreiðslu þegar umsóknin um sjúkratryggingu hefur verið afgreidd.
- Tryggingin er skyldutrygging fyrir útlendinga sem eru að koma tímabundið til Íslands vegna vinnu eða náms og hafa sótt um dvalar- eða atvinnuleyfi frá Útlendingastofnun.
Tryggingin bætir
- Kostnað við sjúkrahúsvist að ráði læknis og kostnað vegna almennrar og sérhæfðar þjónustu sem veitt er á sjúkrahúsum án þess að um innlögn á sjúkrahús sé að ræða.
- Kostnað við almenna læknishjálp utan sjúkrahúsa.
- Kostnað við nauðsynlegar rannsóknir og meðferð hjá sérfræðingum eða stofnunum.
- Kostnað við lyf sem tryggðum aðila er lífsnauðsynlegt að nota að staðaldri auk annars nauðsynlegs lyfjakostnaðar.
- Óhjákvæmilegan ferðakostnað læknis til vátryggðs og flutningskostnað vátryggðs á sjúkrahús.
- Kostnað vegna hjúkrunar í heimahúsum vegna alvarlegra og langvinnra sjúkdóma eða slysa sem eru innan bótasviðs tryggingarinnar enda komi heimalega í stað sjúkrahúsvistar.
Tryggingin bætir ekki
- Kostnað vegna bólusetninga.
- Kostnað vegna dvalar á fæðingarstofnunum.
- Kostnað sem greiddur er samkvæmt lögum um sjúkratryggingar eða reglugerðum settum samkvæmt þeim.
- Kostnað vegna slyss sem orðið hefur áður en vátryggingin tók gildi, nema að félaginu hafi verið kunnugt um það.
- Kostnað vegna sjúkdóms sem fyrst hafði sýnt einkenni áður en vátryggingin tók gildi, nema að félaginu hafi verið kunnugt um það.
- Kostnað vegna tannlækninga eða lýtalækninga, nema um sé að ræða nauðsynlegar bráðaaðgerðir vegna bótaskylds slyss eða sjúkdóms.
- Kostnað vegna meðgöngu, fæðingarhjálpar eða sjúkdóma sem rekja má til meðgöngu eða fósturláts.
- Kostnað vegna sjúkdóms sem rót á að rekja til neyslu áfengis, fíkniefna eða annarra nautnalyfja.
- Kostnað vegna slyss af völdum hryðjuverka, vegna hvers konar líffræðilegra eða efnafræðilegra áhrifa og/eða eitrunar, þar með talið vegna sýkla og veira eða þegar afleiðingar slyss verða meiri vegna framangreindra atriða.
- Kostnað vegna slysa í áhættusömum íþróttagreinum
Vinsamlegast athugaðu að upptalningin hér að ofan er ekki tæmandi. Nánari upplýsingar er að finna í skilmálum tryggingarinnar.
Sé ósamræmi milli upptalningarinnar og skilmálanna þá gilda skilmálarnir.
Skilmálar, afslættir og aðrar upplýsingar
Tryggingaskilmálar eru samningur þinn við VÍS. Mikilvægt er að þú kynnir þér skilmálana vel og áttir þig á því hvað er bætt og hvað er ekki bætt, áður en tryggingin er tekin.
Í upplýsingaskjali er að finna stutta samantekt á helstu þáttum tryggingarinnar. Upplýsingaskjöl eru stöðluð skjöl sem öllum tryggingafélögum ber að birta og auðveldar þannig viðskiptavinum tryggingafélaganna að bera saman tryggingar og sjá hvað þær bæta og bæta ekki.
Afslættir og aðrar upplýsingar
Skilmálar og upplýsingaskjal
Forvarnir
Heilsa
Heilsa
Hreyfing
Hreyfing er öllum nauðsynleg og ætti enginn að vanmeta mikilvægi hennar. Hreyfing hjálpar til að stuðla að bæði andlegu og líkamlegu heilbrigði.
Lesa meira