Símar, snjallúr, tölvur og gleraugu
Við hvetjum þig til að skoða tryggingavernd þína og láta okkur vita ef skjárinn brotnaði eða ef gleraugun eyðilögðust.
Ertu með rétta tryggingavernd?
Símar, snjallúr, tölvur og gleraugu falla almennt undir innbú einkaaðila og því ná innbústrygging og innbúskaskótrygging yfir tjón á þessum hlutum. Athugið að símar og snjallúr afskrifast á tveimur árum og tölvur á fimm árum.
- Innbústrygging nær yfir tjón á innbúi vegna bruna, þjófnaðar og vatns. Innbústrygging er innifalin í öllum F plús fjölskyldutryggingunum okkar.
- Innbúskaskótrygging nær yfir ýmiskonar óhöpp sem leiða til tjóns á innbúi þínu. Innbúskaskó er innifalin í F plús 4 og valkvæð í F plús 1, 2 og 3.
- Munur er á bótafjárhæðum og upphæð eigin áhættu eftir því um hvaða F plús tryggingu er að ræða og hvaða tryggingafjárhæð þú hefur valið.
- Fyrirtæki geta tryggt síma og tölvur með lausafjártryggingu og víðtækri eignatryggingu.
- Hægt er að tryggja gleraugu starfsmanna með valkvæðri vernd í slysatryggingu launþega.
- Við bendum viðskiptavinum okkar á að passa upp á greiðslukvittanir svo hægt sé að framvísa þeim ef tilkynna þarf tjón.
Þú getur séð hvaða tryggingar þú ert með á tryggingayfirliti þínu.