Rekstrarstöðvunartrygging fyrir kúabú
Rekstrarstöðvun fyrir kúabú bætir tap sem verður við stöðvun rekstrar og leiðir af sér samdrátt í mjólkurframleiðslu. Tryggingin bætir tjón vegna bruna og óveðurs. Hún bætir einnig aukakostnað sem verður vegna þess að fjós verður ónothæft vegna rekstrarstöðvunar.
Tryggingin er góð viðbót við brunatryggingu húseigna eða lausafjártryggingu sem eru skilyrði fyrir rekstrarstöðvun fyrir kúabú.
Tryggingin bætir
- Framlegðartap vegna bruna.
- Framlegðartap vegna óveðurs.
- Aukakostnað ef fjós verður ekki nothæft vegna rekstrarstöðvunar.
Tryggingin bætir ekki
- Þann hluta tjónsins sem fellur undir eigin áhættu.
- Aukið rekstrartap vegna endurbóta, stækkunar, fjármagnsskorts, fyrirmæla hins opinbera eða sambærilegra atvika.
- Aukið rekstrartap sem hlýst af verkbanni og/eða verkfalli.
Vinsamlegast athugaðu að upptalningin hér að ofan er ekki tæmandi. Nánari upplýsingar er að finna í skilmálum tryggingarinnar.
Sé ósamræmi milli upptalningarinnar og skilmálanna þá gilda skilmálarnir.
Skilmálar og aðrar upplýsingar
Tryggingaskilmálar eru samningur þinn við VÍS. Mikilvægt er að þú kynnir þér skilmálana vel og áttir þig á því hvað er bætt og hvað er ekki bætt, áður en tryggingin er tekin.
Í upplýsingaskjali er að finna stutta samantekt á helstu þáttum tryggingarinnar. Upplýsingaskjöl eru stöðluð skjöl sem öllum tryggingafélögum ber að birta og auðveldar þannig viðskiptavinum tryggingafélaganna að bera saman tryggingar og sjá hvað þær bæta og bæta ekki.
Árlega færðu upplýsingar frá okkur varðandi endurnýjun trygginga þinna. Sjá nánar á síðunni endurnýjun trygginga sem finna má hér fyrir neðan.