Rafhlaupahjól
Almennt fellur slys á fólki undir frítímaslysatryggingu og tjón á hjólinu undir innbústryggingu og innbúskaskótryggingu.
Láttu okkur vita ef þú lendir í slysi eða ef hjólið þitt verður fyrir tjóni.
Ert þú með rétta tryggingavernd?
- Frítímaslysatrygging bætir líkamstjón vegna slysa sem verða í frístundum til dæmis vegna slysa sem verða á rafhlaupahjólum. Frítímaslysatrygging er innifalin í F plús 2, 3 og 4 tryggingunum okkar.
- Atvinnurekendur eru skyldugir að slysatryggja starfsfólk sitt á vinnutíma. Í vissum tilfellum gildir tryggingin einnig í frítíma ef kjarasamningar segja til um það eða ef atvinnurekendur hafa keypt frítímavernd sem er valfrjáls vernd í slysatryggingu launþega.
- Þú getur séð hvaða tryggingar þú ert með á tryggingayfirliti þínu.
Er hjólið rétt tryggt?
- Rafhlaupahjól eru skilgreind sem hluti af innbúi.
- Innbústrygging nær yfir tjón á innbúi vegna bruna, þjófnaðar og vatns. Innbústrygging er innifalin í öllum F plús fjölskyldutryggingunum okkar.
- Innbúskaskótrygging nær yfir ýmiskonar óhöpp sem leiða til tjóns á innbúi þínu. Innbúskaskó er innifalin í F plús 4 og valkvæð í F plús 1, 2 og 3. Munur er á bótafjárhæðum, upphæð eigin áhættu og hversu víðtæk verndin er eftir því um hvaða F plús tryggingu er að ræða.
- Ef verðmæti rafhlaupahjóls fer yfir 250.000 krónur mælum við með lausafjártryggingu og eða víðtækri eignatryggingu.
- Lausafjártrygging er grunntrygging fyrir verðmæta staka muni. Tryggingin bætir tjón af völdum bruna en einnig er hægt að bæta við hana vernd vegna vatnstjóna, óveðurs, innbrota og ráns. Lausafjártrygging hentar sem viðbót við F plús þegar að heildarverðmæti sérstakra muna fer yfir hámarksbótafjárhæðir eða ef þú vilt tryggja einstaka verðmæta muni en ert ekki með F plús.
- Víðtæk eignatrygging er gjarnan tekin fyrir einstaka dýra muni en hún tryggir þá fyrir tjónum sem verða vegna skyndilegra, óvæntra og utanaðkomandi atburða. Tryggingin gildir hvar sem er í heiminum á meðan munirnir eru í umsjá þinni.
- Við bendum viðskiptavinum okkar á að passa upp á greiðslukvittanir svo hægt sé að framvísa þeim ef tilkynna þarf tjón.
- Þú getur séð hvaða tryggingar þú ert með á tryggingayfirliti þínu.