Lögboðin ábyrgðartrygging farsala og flutningsaðila
Ábyrgðartrygging farsala og flutningsaðila er lögboðin trygging fyrir þá sem sigla með farþega og selja í ferðir, t.d. skemmtisiglingar eða skoðunarferðir. Ábyrgð þeirra sem hafa atvinnu af slíkri starfsemi er mikil og því mikilvægt að trygging sé til staðar.
Ábyrgðartryggingunni er ætlað að bæta þau tjón sem farþegar geta orðið fyrir. Má þar helst nefna að farþegi slasast eða lætur lífið eða að farangur hans týnist eða skemmist á meðan á ferð stendur.
Tryggingin bætir
- Tjón sem hlýst af því ef farþegi slasast eða lætur lífið.
- Tjón ef farangur týnist eða skemmist meðan ferð skipsins stendur yfir.
- Tjón sem stafar af seinkun vegna flutninga á farþega eða farangri.
Tryggingin gildir einnig um flutning milli skips og lands, enda er sá flutningur innifalinn í fargjaldinu eða flutningurinn fer fram með farartæki sem farsali leggur til.
Tryggingin bætir ekki
- Þann hluta tjónsins sem fellur undir eigin áhættu.
- Tjón ef ábyrgðin er víðtækari en almenn bótaábyrgð, svo sem ef þú ert farsali eða flutningsaðili.
- Sektir og önnur viðurlög.
- Tjón sem verður áður en farþegi stígur á skipsfjöl og eftir þann tíma að hann er farinn frá borði.
- Tjón sem annar ber ábyrgð á, t.d. sá sem sér um hluta flutningsins samkvæmt farmsamningi.
- Tjón á lifandi dýrum sem eru flutt sem farangur.
- Tjón eða tap á peningum, verðbréfum eða öðrum verðmætum, t.d. gulli, silfri, úrum, gimsteinum, skartgripum eða listmunum, nema farsali hafi tekið við þeim og sett í öryggisgeymslu.
Vinsamlegast athugaðu að upptalningin hér að ofan er ekki tæmandi. Nánari upplýsingar er að finna í skilmálum tryggingarinnar.
Sé ósamræmi milli upptalningarinnar og skilmálanna þá gilda skilmálarnir.
Skilmálar og aðrar upplýsingar
Tryggingaskilmálar eru samningur þinn við VÍS. Mikilvægt er að þú kynnir þér skilmálana vel og áttir þig á því hvað er bætt og hvað er ekki bætt, áður en tryggingin er tekin.
Í upplýsingaskjali er að finna stutta samantekt á helstu þáttum tryggingarinnar. Upplýsingaskjöl eru stöðluð skjöl sem öllum tryggingafélögum ber að birta og auðveldar þannig viðskiptavinum tryggingafélaganna að bera saman tryggingar og sjá hvað þær bæta og bæta ekki.
Árlega færðu upplýsingar frá okkur varðandi endurnýjun trygginga þinna. Sjá nánar á síðunni endurnýjun trygginga sem finna má hér fyrir neðan.