Fréttasafn | 17.03.2023
Úthlutað úr Nýsköpunarsjóði VÍS
Fjölmargar umsóknir bárust Nýsköpunarsjóði okkar fyrir árið 2023 en úthlutað var úr sjóðnum 16. mars. Öllum umsækjendum hefur verið svarað en eftirfarandi verkefni fengu styrk.
![](https://images.prismic.io/vis-is/ce0f57da-c072-46be-8343-3af72f123134_Nyskopunarsjodur_vis-is.png?auto=format%2Ccompress&rect=110%2C0%2C4580%2C2500&w=916&h=500&fit=max&q=50)
- Lífið eftir makamissi - Rafrænt níu tíma námskeið þar sem markmiðið er að hjálpa einstaklingi að átta sig á hvað gerist innra með honum þegar hann missir maka, leiða hann í gegnum úrvinnslu sorgar með fræðslu, verkefnum og núvitund.
- SoGreen - Undirbúningur fyrir vottun kolefniseininga þar sem markmiðið er að framleiða vottaðar kolefniseiningar sem verða nýttar í samstarfi við leiðandi hjálparsamtök í lágtekjuríkjum til að tryggja stúlkum menntun og á sama tíma leiða til verulegs samdráttar í losun gróðurhúsalofttegunda.
- Týndu stelpurnar - Alhliða verkfærakista fyrir verkefnið Sara stelpa með ADHD sem samanstendur af barnabók, fræðsluvef fyrir fullorðna, gagnvirkum krakkavef, fræðsluerindum og styrkleikamiðuðum leikjanámskeiðum fyrir stelpur með ADHD (eða grun um ADHD).