Fréttasafn | 06.10.2021
Er slotið klárt fyrir veturinn?
Flestir tengja altjón á sumarhúsi við bruna en það getur líka gerst þegar vatn lekur. Sér í lagi ef einhver tími líður frá því að byrjar að leka og þar til lekinn uppgötvast. Því miður hefur orðið aukning á alvarlegum vatnstjónum hjá okkur síðustu þrjú ár. Algengustu orsakirnar eru þegar frýs í lögnum eða þegar tengingar við vatnstengd tæki gefa sig. Til að koma í veg fyrir slík tjón eru forvarnir gríðarlega mikilvægar og hvetjum við þig til að huga að þeim.
Hvað getum við gert til að koma í veg fyrir slíkt tjón?
- Hafa vatnsskynjara sem gefur tilkynningu um leka í síma.
- Skrúfa fyrir inntak heita og kalda neysluvatnsins og tæma viðtengd tæki þegar bústaður er yfirgefinn.
- Fara yfir tengingar vatnstengdra tækja a.m.k. einu sinni á ári.
- Fá tilkynningar ef bústaður verður rafmagns- og/eða heitavatnslaust. Við það getur kólnað hratt sem getur orsakað bilanir á tækjum og vatnslögnum, sér í lagi að vetri til.
- Nota hitaþræði við vatnslagnir þar sem hætt er við að frjósi í.
- Hafa vatnsinntak í sér rými fyrir utan húsið.
- Hafa lokað hringrásarkerfi á upphitun bústaðar og gæta þess að yfirfara frostlagarblönduna samkvæmt upplýsingum framleiðanda.
Mikilvægar eldvarnir sem ekki má gleyma:
- Virkir reykskynjarar í öllum rýmum. Reykskynjarar með 10 ára rafhlöðu eru góður kostur. Ef þess nýtur ekki við þá skipta um 9 volta rafhlöðu árlega.
- Eldvarnarteppi á áberandi stað í eldhúsi en þó ekki of nærri eldavél.
- Yfirfarið slökkvitæki við flóttaleið.
- Tvær greiðar flóttaleiðir af svefnlofti.
Inn á Öryggi passar má finna öryggisvörur sem margar hverjar eru á afslætti fyrir VÍSara.
Fyrir nánari upplýsingar um öryggi í sumarhúsum er að finna á vis.is.