Nánari upplýsingar um sumarhúsatryggingu
Sumarhúsatrygging er í grunninn lögboðin brunatrygging en þú getur bætt við eftirfarandi verndum við trygginguna og þannig tryggt sumarhúsið þitt eins og best verður á kosið og eftir þínum þörfum.
- Húseigendatrygging sumarhúsa er góð viðbót við lögboðna brunatryggingu. Húseigendatrygging sumarhúsa veitir víðtæka vernd gegn óvæntum og skyndilegum atburðum sem leiða til tjóns á sumarhúsum. Þú getur einnig bætt við sérstakri vernd fyrir sólpallinn, heita potta, skjólveggi, hlið, girðingar og frístandandi hús.
- Innbústrygging sumarhúsa tryggir innbú þitt og persónulega muni sem eru staðsettir í sumarhúsinu að staðaldri. Tryggingin bætir helstu tjón sem verða á innbúinu vegna bruna, vatns, innbrots, ráns, óveðurs eða hruns. Til viðbótar við hefðbundnu innbústrygginguna getur þú bætt við orlofstækjatryggingu, tryggingu vegna ofhitnunar á þvotti og kæli- og frystivörutryggingu.
- Ef þú telur að brunabótamat sumarhússins þíns endurspegli ekki kostnað við endurbyggingu hans, ef til tjóns kæmi, er gott að bæta viðbótarbrunatryggingu við sumarbústaðartrygginguna.
Tryggingin bætir
- Brunatjón.
- Skyndilegt sótfall.
- Fall loftfara á fasteign.
- Slökkvi- og björgunaraðgerðir til að forðast eða takmarka tjón.
Tryggingin bætir ekki
- Skemmdir sem verða ef hlutir sviðna eða bráðna ef eldur er ekki laus.
- Skemmdir vegna sóts eða reyks sem safnast hefur smám saman. Til dæmis vegna sóts frá reykháfi eða kertum.
- Óbeint tjón vegna bruna eins og rekstrartap, töf á framleiðslu eða afhendingu vöru, missi húsaleigutekna og þess háttar.
- Kostnað vegna hreinsunar úrgangs- eða eiturefna í umhverfi eða jarðvegi vegna bótaskylds atburðar.
Vinsamlegast athugaðu að upptalningin hér að ofan er ekki tæmandi. Nánari upplýsingar er að finna í skilmálum tryggingarinnar.
Sé ósamræmi milli upptalningarinnar og skilmálanna þá gilda skilmálarnir.
Skilmálar, afslættir og aðrar upplýsingar
Tryggingaskilmálar eru samningur þinn við VÍS. Mikilvægt er að þú kynnir þér skilmálana vel og áttir þig á því hvað er bætt og hvað er ekki bætt, áður en tryggingin er tekin.
Í upplýsingaskjali er að finna stutta samantekt á helstu þáttum tryggingarinnar. Upplýsingaskjöl eru stöðluð skjöl sem öllum tryggingafélögum ber að birta og auðveldar þannig viðskiptavinum tryggingafélaganna að bera saman tryggingar og sjá hvað þær bæta og bæta ekki.
Afslættir og aðrar upplýsingar
Skilmálar og upplýsingaskjal
