Líftrygging
Líftrygging tryggir þínum nánustu fjárhagslegt öryggi ef hið óvænta gerist. Við viljum vera traust bakland í óvissu lífsins og bjóðum upp á frábæra líftryggingu.Fjárhæð tryggingar er greidd út ef þú fellur frá á tryggingartímanum. Engu máli skiptir hvort orsökin er slys eða sjúkdómur.
Nánari upplýsingar um líftryggingu
- Ef þú hefur fyrir öðrum að sjá og ert með fjárhagslegar skuldbindingar er skynsamlegt að kaupa líftryggingu. Þú ákveður tryggingarfjárhæðina og hver rétthafi hennar er ef þú fellur frá.
- Líftryggingarbætur eru greiddar út í einu lagi og eru þær skattfrjálsar og verðtryggðar. Það er mikilvægt að fjárhæðin endurspegli skuldbindingar og fjölskylduhagi þína, en ef breytingar verða getur það kallað á endurskoðun tryggingar.
- Þú getur sótt um líftryggingu ef þú ert á aldrinum 18 til 62 ára og gildir hún til 75 ára aldurs. Frá 55 ára aldri lækkar líftryggingarfjárhæðin um ákveðið hlutfall árlega en verðið stendur í stað.
- Börn þín eru sjálfkrafa líftryggð í gegnum líftrygginguna þína frá fæðingu til 18 ára aldurs. Fjárhæð bóta er tvær milljónir króna fyrir hvert barn.
- Ef þú eignast barn getur þú hækkað fjárhæð líftryggingar þinnar um allt að 25% eða að hámarki 5 milljónir króna án þess að fara í sérstakt heilsufarsmat.
Af hverju á ég að velja VÍS?
- Við bjóðum upp á hæsta hámarksaldur líftryggingar, til 75 ára aldurs.
- Við bjóðum upp á hæstu hækkun tryggingarfjárhæðar ef fjölskyldan stækkar, án þess að þú þurfir að fara í gegnum sérstakt mat.
- Við erum með hæstu dánarbætur barna, tvær milljónir.
- Það tekur mjög skamman tíma að sækja um trygginguna hjá okkur á netinu.
Viltu vita meira?
Tryggingarfjárhæð greiðist:
- Ef tryggingartaki lætur lífið vegna slyss eða sjúkdóms.
- Ef börn tryggingartaka, frá fæðingu til 18 ára aldurs, láta lífið vegna slyss eða sjúkdóms.
Tryggingarfjárhæð greiðist ekki:
- Ef tryggingartaki lætur lífið vegna sjálfsvígs sem á sér stað innan eins árs frá því að tryggingin er tekin.
- Ef andlát barns má rekja beint eða óbeint til ástands barnsins fyrir gildistöku tryggingarinnar.
Vinsamlegast athugaðu að upptalningin hér að ofan er ekki tæmandi. Nánari upplýsingar er að finna í skilmálum tryggingarinnar.
Sé ósamræmi milli upptalningarinnar og skilmálanna þá gilda skilmálarnir.
Skilmálar og aðrar upplýsingar
Tryggingaskilmálar eru samningur þinn við VÍS. Mikilvægt er að þú kynnir þér skilmálana vel og áttir þig á því hvað er bætt og hvað er ekki bætt, áður en tryggingin er tekin. Skilmála sem gilda um tryggingar sem keyptar voru fyrir 2. september 2021 er að finna hér.
Í upplýsingaskjali er að finna stutta samantekt á helstu þáttum tryggingarinnar. Upplýsingaskjöl eru stöðluð skjöl sem öllum tryggingafélögum ber að birta og auðveldar þannig viðskiptavinum tryggingafélaganna að bera saman tryggingar og sjá hvað þær bæta og bæta ekki.
Aðrar upplýsingar
