lock search
lock search

Reiðhestatrygging

Reiðhestatrygging er góð trygging fyrir eigendur keppnishesta. Í tryggingunni er takmörkuð líftrygging og afnotamissistrygging vegna reiðar.

Ef þú ert með þessa tryggingu færðu greiddar bætur ef hestur deyr af völdum slyss eða sjúkdóms, ef tafarlaus aflífun er ráðlögð af dýralækni eða ef hestur hverfur og finnst ekki aftur innan 4 mánaða þrátt fyrir leit. Þú færð einnig greiddar bætur ef hestur er úrskurðaðir ónothæfur til reiðar í kjölfar tiltekins sjúkdóms eða slyss. Fullar bætur fyrir afnotamissi fást ef hestur er felldur en hlutabætur ef ákveðið er að hestur skuli lifa.

  • Kauptímabil: Þú getur keypt trygginguna þar til hesturinn er 15 vetra gamall.
  • Tryggingarfjárhæð: Tryggingarfjárhæð takmarkaðrar líftryggingar er valfrjáls upphæð. Gott er að hafa í huga að bætur geta aldrei orðið hærri en markaðsvirði hestsins. Tryggingarfjárhæð afnotamissistryggingarinnar er sama upphæð og tryggingarfjárhæð líftryggingarinnar að frádregnum 100 þúsund krónum. Tryggingarfjárhæðirnar koma fram á tilboði, skírteini og endurnýjunarkvittun. Tryggingarfjárhæðirnar haldast óskertar þar til hesturinn verður 19 vetra gamall en þá lækka þær um 20% árlega.
  • Gildistími: Þegar hesturinn verður 23 vetra gamall fellur tryggingin niður og endurnýjast ekki.
  • Eigin áhætta: Þú berð eigin áhættu af hverju tjóni sem þú færð greitt úr reiðhestatryggingu. Upplýsingar um eigin áhættu þína koma fram á tilboði, tryggingarskírteini og endurnýjunarkvittun.

Innifalið í reiðhestatryggingu

Takmörkuð líftrygging

Ef þú ert með reiðhestatryggingu færðu greiddar bætur ef hestur deyr af völdum slyss eða sjúkdóms, ef tafarlaus aflífun er ráðlögð af dýralækni eða ef hestur hverfur og finnst ekki aftur innan 4 mánaða þrátt fyrir leit.

Tryggingin bætir:

  • Ef hestur deyr af völdum sjúkdóms eða slyss.
  • Ef tafarlaus aflífun er ráðlögð af dýralækni.
  • Ef hestur hverfur og finnst ekki innan 4 mánaða þrátt fyrir leit.

Tryggingin bætir ekki:

  • Dauða eða aflífun vegna sjúkdóma sem voru til staðar eða slysa sem urðu áður en tryggingin tók gildi.
  • Dauða eða aflífun vegna sjúkdóma sem hestur fær innan 20 daga frá gildistöku tryggingarinnar.
  • Dauða eða aflífun vegna geðslagsvandamála.
  • Dauða eða aflífun vegna stífkrampa ef hestur er ekki bólusettur á fullnægjandi hátt.
  • Dauða eða aflífun vegna spatts eða annarra hreyfivandamála.
  • Dauða eða aflífun vegna heltis.
  • Dauða eða aflífun vegna líkamlegra þroskahamlana.
  • Dauða eða aflífun vegna brots eða sprungu í beinvef, beineyðingu, hörðnunar eða gigtar.
  • Dauða eða aflífun vegna viðvarandi vandamála í öndunarfærum og viðvarandi vandamála sem verða skyndilega alvarleg.
  • Aflífun vegna fyrirmæla opinberra yfirvalda.
Afnotamissistrygging vegna reiðar

Ef þú ert með reiðhestatryggingu færðu greiddar bætur ef hestur er úrskurðaðir ónothæfur til reiðar í kjölfar tiltekins sjúkdóms eða slyss. Fullar bætur fyrir afnotamissi fást ef hestur er felldur en hlutabætur ef ákveðið er að hestur skuli lifa.

Tryggingin bætir:

Ef hestur er úrskurðaður ónothæfur til reiðar vegna:

  • Augnsjúkdóma.
  • Beinklökkva, bein- og brjóskkvellis og annarra bein- og/eða brjóskagna.
  • Bólgu í holrúmum höfuðkúpubeins.
  • Brots eða sprungu í beinvef, beineyðingar, hörðnunar eða gigtar.
  • Endurtekinnar hrossasóttar.
  • Flutningaveiki og brjósthimnubólgu.
  • Hófsperru, kölkunar í hófbrjóski, hófbrjóskgangs, hófkrabbameins, sýkingar í hófi, hófsprungu, klofins hófveggjar, hols hófveggjar, lélegs hornefnis, hóftungurots, krabbameins í frumum sem framleiða hornefni í hófvegg.
  • Húðsjúkdóma.
  • Lungnabólgu.
  • Sára.
  • Sýkingar í liðamótum.
  • Viðvarandi hjartagalla.
  • Æxlis.

Tryggingin bætir ekki:

  • Afnotamissi vegna sjúkdóma sem voru til staðar eða slysa sem urðu áður en tryggingin tók gildi.
  • Afnotamissi vegna sjúkdóma sem hestur fær innan 20 daga frá gildistöku tryggingarinnar.
  • Afnotamissi vegna geðslagsvandamála.
  • Afnotamissi vegna stífkrampa ef hestur er ekki bólusettur á fullnægjandi hátt.

Vinsamlegast athugið að upptalningin hér að ofan er ekki tæmandi.
Nánari upplýsingar er að finna í skilmálum tryggingarinnar.


Sendu okkur beiðni um tilboð í gegnum rafræna tilboðsferlið okkar. Þú getur einnig sent okkur beiðni um tilboð á vis@vis.is. Nauðsynlegt er að útfyllt umsókn fylgi með og ef tryggingarfjárhæð nær 1.000.000 kr. þarf vottorð frá dýralækni um almennt heilsufar hestsins einnig að fylgja með. Vottorðið verður að vera innan við 30 daga gamalt. 

Fá tilboð
mail Hafa samband chat Netspjall
mail chat
close

Tryggingar

Niðurstöður

Skjöl

Niðurstöður

Annað

Niðurstöður

Fréttir

Niðurstöður

News search result

Leit

Niðurstöður

Ææ en leiðinlegt!

Við fundum því miður ekki ""

Athugaðu hvort öll leitarorðin eru rétt skrifuð, annars geturðu prófað að víkka leitina með öðrum eða almennari leitarorðum.

Ef allt um þrýtur, endilega hafðu samband

close Loka
Hafðu samband
bell

Getum við aðstoðað?

Þjónusturáðgjafar okkar aðstoða þig frá 09:00 til 16:00 mánudaga til fimmtudaga og frá 09:00 til 15:30 á föstudögum.

chat

Netspjallið

Þjónusturáðgjafar okkar svara frá 09:00 til 16:00 mánudaga til fimmtudaga og frá 09:00 til 15:30 á föstudögum.

Opna netspjall
coffee

Komdu í heimsókn

Kíktu í heim­sókn og starfs­fólkið okk­ar tek­ur vel á móti þér alla virka daga frá 12-15.

Sjá þjónustuskrifstofur
close Loka

Netspjall VÍS

Við hvern viltu spjalla?
Vinsamlegast sendu ekki lykilorð, kortanúmer eða bankaupplýsingar í gegnum netspjallið. Þú getur skráð bankaupplýsingarnar þínar á þjónustusvæði þínu, Mitt VÍS
Öll samskipti eru vistuð í gagnagrunni. Misnotkun varðar við lög.