Vísitölur
Á hverju ári eru bótafjárhæðir og verð flestra trygginga endurskoðuð með tilliti til verðlagsvísitalna Hagstofu Íslands. Algengasti mælikvarði á verðlagsbreytingum eru neysluverðsvísitölur. Í ákveðnum tilfellum eru þó gerðar breytingar á viðskiptakjörum umfram vísitöluhækkanir. Á síðunni endurnýjun trygginga getur þú séð upplýsingar um breytingar á viðskiptakjörum umfram vísitöluhækkanir og ástæðu þeirra. Fyrir frekari upplýsingar getur þú borið saman yfirlit fyrri ára með því að skrá þig inn á vis.is.
Það er mismunandi hvaða vísitölur hafa áhrif á hvaða tryggingu. Í listanum hér fyrir neðan er samantekt á vísitölum sem hafa áhrif á viðskiptakjör og tryggingar þínar hjá VÍS.
Ökutækjatryggingar
Ökutækjatryggingar fylgja þremur mismunandi vísitölum. Þeim er ætlað að endurspegla verðbreytingar á því sem bætt er úr hverri tryggingu og hafa þær áhrif á verð trygginga. Vísitölurnar eru unnar af óháðum þriðja aðila.
- Vísitala lögboðinnar ábyrgðartryggingar er annars vegar reiknuð út frá slysakostnaði sem fylgir launavísitölu og hins vegar kostnaði munatjóna sem tekur meðal annars tillit til vinnu við bifreiðaviðgerðir, verð á varahlutum og afskrifta af kaupverði bifreiða.
- Vísitala slysatrygginga ökumanns og eiganda er reiknuð út frá slysakostnaði sem fylgir launavísitölu.
- Kaskó- og bílrúðutryggingar fylgja vísitölu húftrygginga og byggja meðal annars á kostnaði vegna vinnu við bifreiðaviðgerðir, varahluta, afskrifta af kaupvirði bifreiða og eigin áhættu.
Fjölskyldutryggingar
- Vísitala neysluverðs
Eignatryggingar
- Byggingarvísitala, vísitala neysluverðs og vísitala neysluverðs án húsnæðis.
Ábyrgðartryggingar
- Launavísitala, vísitala neysluverðs og byggingarvísitala.
Sjótryggingar
- Vísitala neysluverðs.
Persónutryggingar
- Vísitala neysluverðs.
Starfsábyrgðartryggingar
- Vísitala neysluverðs og byggingarvísitala.
Endilega hafðu samband við okkur ef eitthvað er óljóst og við aðstoðum þig.