Vatnstjón víða
Vatnstjón hafa verið nokkuð algeng að undanförnu, ekki síst vegna frosthörku og svo þíðu í kjölfarið.
Nú er góður tími til þess að huga að forvörnum til þess að koma í veg fyrir vatnstjón, svo sem að moka snjóinn af svölunum og frá niðurföllum svo vatnið komist sína leið. Rétt er að minna á tjón, sem verður þegar vatn lekur inn að utan, eru ekki bótaskyld. Því viljum við hvetja þig til þess að gera allt sem þú getur til þess að koma í veg fyrir slík tjón svo sem að:
- Moka snjó af svölum
- Moka snjó frá veggjum húsa
- Moka frá niðurföllum
- Búa til vatnsrásir að niðurföllum
- Hreinsa snjó og klaka úr rennum – þó eingöngu án þess að setja sig í hættu
Dæmi um vatnstjón sem eru almennt ekki bætt:
- Leki með þaki
- Leki með gluggum
- Leki með svölum
- Leki um sprungur á veggjum
Mikilvægt er að fyrirbyggja tjón eins og hægt er, en Sigrún A. Þorsteinsdóttir, sérfræðingur í forvörnum hjá VÍS, ræddi nýlega vatnstjón og helstu forvarnir í útvarpsþættinum Reykjavík síðdegis. Við hvetjum þig eindregið til þess að hlusta.