- Kauptímabil: Þegar köttur er á aldrinum 8 vikna til 5 ára.
- Tryggingarfjárhæð: Tryggingarfjárhæð sjúkrakostnaðartryggingar katta er föst fjárhæð sem kemur fram í tilboði, á tryggingarskírteini og endurnýjunarkvittun. Tryggingarfjárhæðin helst óskert þar til kötturinn verður 7 ára en þá lækkar hún um 20% árlega.
- Gildistími: Þegar kötturinn verður 10 ára fellur tryggingin niður og endurnýjast ekki.
- Eigin áhætta: Þú berð eigin áhættu af hverju tjóni sem þú færð greitt úr sjúkrakostnaðartryggingu katta. Eigin áhætta þín er föst fjárhæð auk 10% af lækniskostnaði. Þú þarft ekki að greiða föstu fjárhæðina aftur vegna sjúkrakostnaðar, óháð fjölda heimsókna til dýralæknis, fyrr en að 100 dögum liðnum frá fyrstu heimsókn. Upplýsingar um eigin áhættu þína koma fram á tilboði, tryggingarskírteini og endurnýjunarkvittun.
Tryggingin bætir
- Lækniskostnað vegna skoðunar og meðferðar vegna sjúkdóms eða slyss.
- Lækniskostnað vegna keisaraskurðar sem er læknisfræðilega nauðsynlegur, þó aldrei fleiri en tvo á hverja læðu.
- Lækniskostnað vegna geldingar eða ófrjósemisaðgerðar sem er læknisfræðilega nauðsynleg vegna ákveðinna sjúkdóma.
- Lækniskostnað vegna lýtalækninga sem eru læknisfræðilega nauðsynlegar.
- Lækniskostnað vegna meðhöndlunar á tönnum sem brotna vegna slyss.
Tryggingin bætir ekki
- Lækniskostnað vegna sjúkdóma sem voru til staðar eða slysa sem urðu áður en tryggingin tók gildi.
- Lækniskostnað vegna fyrirbyggjandi aðgerða og reglulegra skoðana.
- Lækniskostnað vegna geðsjúkdóma, atferlisbrests eða skapgerðargalla.
- Lækniskostnað vegna álags á lækniskostnað ef kalla þar dýralækni til utan dagvinnutíma nema brýna nauðsyn beri til.
- Lækniskostnað vegna segulómskoðunar og sneiðmyndatöku.
- Lækniskostnað vegna sjúkdóma í tannholdi, tannhirðu, tannviðgerða eða galla í tönnum.
- Kostnað vegna fóðurs, fæðubótarefnis eða heilsu- og hreinlætisvara.
- Ferða- og flutningskostnað vegna meðferðar og skoðunar.
- Kostnað vegna sjúkraþjálfunar og endurhæfingar.
- Kostnað vegna lyfseðla, reikningsgerðar, vottorða eða sjúkraskýrslu.
Vinsamlegast athugaðu að upptalningin hér að ofan er ekki tæmandi. Nánari upplýsingar er að finna í skilmálum tryggingarinnar.
Sé ósamræmi milli upptalningarinnar og skilmálanna þá gilda skilmálarnir.
Skilmálar, afslættir og aðrar upplýsingar
Tryggingaskilmálar eru samningur þinn við VÍS. Mikilvægt er að þú kynnir þér skilmálana vel og áttir þig á því hvað er bætt og hvað er ekki bætt, áður en tryggingin er tekin.
Í upplýsingaskjali er að finna stutta samantekt á helstu þáttum tryggingarinnar. Upplýsingaskjöl eru stöðluð skjöl sem öllum tryggingafélögum ber að birta og auðveldar þannig viðskiptavinum tryggingafélaganna að bera saman tryggingar og sjá hvað þær bæta og bæta ekki.
Afslættir og aðrar upplýsingar
Forvarnir
Heimilið
Heimilið
Heimilisdýr
Algengustu heimilisdýrin eru án efa hundar og kettir. Þau gefa eiganda sinum mikið og eru oft á tíðum stór partur af fjölskyldunni. Góð umhirða þeirra er mikilvæg til að þeim líði vel.
Lesa meira