lock search
lock search

Hvað viltu vita?


Forvarnaráðstefna VÍS 2019

Forvarnaráðstefna VÍS, Framtíðarsýn og nýsköpun í öryggismálum, var haldin á Hilton Reykjavík Nordica þann 6. febrúar 2019.

Þetta var í tí­unda sinn sem For­varn­aráðstefna VÍS var hald­in en á meðal fyr­ir­les­ara var Brandon Wisem­an, yf­ir­maður ör­ygg­is­mála hjá Coca-Cola Swire í Banda­ríkj­un­um. Ráðstefn­an er vett­vang­ur til að ræða ör­ygg­is­mál í at­vinnu­líf­inu og leiðir til að fækka vinnu­slys­um. Ráðstefn­an er fjöl­sótt­asti viðburður sinn­ar teg­und­ar hér á landi.

ÍSAGA hreppti For­varna­verðlaun VÍS. ÍSAGA er fyr­ir­mynd­ar­fyr­ir­tæki í for­vörn­um og ör­ygg­is­mál­um og starfar eft­ir ná­kvæmu ör­ygg­is­stjórn­un­ar­kerfi móður­fyr­ir­tæki síns. Öll starf­semi og verk­ferl­ar ein­kenn­ist af hárri ör­yggis­vit­und starfs­manna sem end­ur­spegl­ast í öfl­ugri ör­ygg­is­menn­ingu.

Auk ÍSAGA fengu RB og Nar­f­astaðir Gu­est­hou­se viður­kenn­ing­ar fyr­ir ár­ang­ur í ör­ygg­is­mál­um. Hjá RB eru ör­ygg­is­mál starfs­manna sam­tvinnuð við rík­ar áhersl­ur í upp­lýs­inga­tækniör­yggi fyr­ir­tæk­is­ins og for­svars­menn Nar­f­astaða hafa sýnst að það þarf ekki að kosta miklu til að efla ör­yggi í  þjón­ustu og starf­semi í ferðaþjón­ustu.

 

 

 

Forvarnaráðstefna VÍS 2019-10.jpg
Hanna Sigríður Gunnsteinsdóttir, forstjóri Vinnueftirlits ríkisins, setur ráðstefnuna.
Forvarnaráðstefna VÍS 2019-29.jpg
Magnús Þór Ásmundsson, forstjóri Alcoa Fjarðaáls
Forvarnaráðstefna VÍS 2019-52.jpg
Stefán Pálsson, sagnfræðingur
Forvarnaráðstefna VÍS 2019-70.jpg
Gestur Pétursson, forstjóri Elkem
Forvarnaráðstefna VÍS 2019-119.jpg
Brandon Wiseman, Swire Coca-Cola Corporate Safety Manager
Forvarnaráðstefna VÍS 2019-85.jpg
Helgi Bjarnason, forstjóri VÍS
Forvarnaráðstefna VÍS 2019-92.jpg
Orri Pétursson, verksmiðjustjóri hjá Ísaga, veitir forvarnaverðlaununum viðtöku. Með honum eru Helgi Bjarnason forstjóri VÍS og Hafdís Hansdóttir framkvæmdastjóri Þjónustu hjá VÍS.
Forvarnaráðstefna VÍS 2019-87.jpg
Rósa Ösp Ásgeirsdóttir einn af eigendum Nar­f­astaða Gu­est­hou­se fékk viðurkenningu fyrir ár­ang­ur í ör­ygg­is­mál­um en fyrirtækið hefur sýnt að lausnir í öryggismálum þurfa ekki að kosta mikið til að efla öryggi í þjónustu og starfsemi í ferðaþjónustu. Með Rósu á myndinni eru Helgi Bjarnason forstjóri VÍS og Hafdís Hansdóttir framkvæmdastjóri Þjónustu hjá VÍS.
Forvarnaráðstefna VÍS 2019-90.jpg
Elsa M. Ágústsdóttir tók á móti viðurkenningu sem RB fékk fyr­ir ár­ang­ur í ör­ygg­is­mál­um en hjá RB eru ör­ygg­is­mál starfs­manna sam­tvinnuð við rík­ar áhersl­ur í upp­lýs­inga­tækniör­yggi fyr­ir­tæk­is­ins. Með Elsu á myndinni eru Helgi Bjarnason forstjóri VÍS og Hafdís Hansdóttir framkvæmdastjóri Þjónustu hjá VÍS.

user Dagskrá


Kl. 13:00
Setning ráðstefnu
Hanna Sigríður Gunnsteinsdóttir, forstjóri Vinnueftirlits ríkisins.

Kl. 13:10
Öryggismenning fyrirtækja – Hver er lykillinn að fyrirmyndar öryggismenningu
Magnús Þór Ásmundsson, forstjóri Alcoa Fjarðaáls

Kl. 13:30
Til tryggingar lífinu, afla og efna - glefsur úr sögu íslenskra öryggismála
Stefán Pálsson, sagnfræðingur

Kl. 13:50
Framtíðarsýn í öryggismálum á Íslandi – Hver verður þróun næstu 10-20 árin?
Gestur Pétursson, forstjóri Elkem

Kl. 14:15
Forvarnarverðlaun VÍS
Helgi Bjarnason, forstjóri VÍS

Kl. 14:30
Kaffihlé

Kl. 14:50
Forvarnaráðstefna VÍS í 10 ár
Helgi Bjarnason, forstjóri VÍS

Kl. 15:15
Coca-Cola Operational Excellence: A Safety Diagnostic Event
Brandon Wiseman, Swire Coca-Cola Corporate Safety Manager

Kl. 16:00
Ráðstefnulok

Fundarstjóri
Oddrún Lilja Birgisdóttir, sérfræðingur í öryggismálum á Keflavíkurflugvelli hjá ISAVIA og formaður VINNÍS.

user Fyrirlesarar


Magnús Þór Ásmundsson forstjóri Alcoa Fjarðaáls

Öryggismenning fyrirtækja. Hver er lykillinn að fyrirmyndar öryggismenningu

Fjallað er um öryggismenningu Alcoa Fjarðaáls og helstu verkfærin sem fyrirtækið notar til að stuðla að góðri og jákvæðri öryggismenningu. Mannleg hegðun, stjórnun helstu áhættuþátta, atvikaskráningar og úttektir eru lykilþættir. Stjórnendur Alcoa Fjarðaáls leggja mikla áherslu á góða öryggismenningu og öryggi er aldrei fórnað fyrir framleiðslu. Allir starfsmenn fá góða þjálfun í öryggismálum þar sem þeir eru hvattir til að stoppa og leita sér hjálpar ef þeir upplifa eitthvað sem er óöruggt. Stjórnendur Alcoa Fjarðaáls skilgreina „mikilvægasta varnarlagið“ í öllum verkum. „Mikilvægasta varnarlagið“ er það varnarlag sem kemur í veg fyrir alvarleg slys eða banaslys ef og þegar eitthvað fer úrskeiðis. Þetta er lykilþáttur í stjórnun helstu áhættuþátta hjá Alcoa Fjarðaáli. Öryggi er ekki, að mati Alcoa Fjarðaál, mælt með fjölda slysa, heldur hversu sterk varnarlögin eru.

Stefán Pálsson sagnfræðingur

Til tryggingar lífinu, afla og efna. Glefsur úr sögu íslenskar öryggismála

Fyrsti fjórðungur tuttugustu aldar var tími færibandavæðingar bandarísks iðnaðar með ríkri áherslu á vöxt, framleiðsluaukningu og framleiðni. Erfiðara reyndist að vekja áhuga geirans á vinnuverndar- og öryggismálum. Sú barátta vannst að miklu leyti fyrir tilstilli hugsjónafólks og frjálsra félagasamtaka. Á Íslandi hverfðist umræðan um vinnuslys á sama tíma um úrbætur á sviði sjósóknar, enda sjómenn í miklum meirihluta þeirra sem létust af slysförum. Frumkvæði í þeim málaflokki kom að miklu leyti frá einstaklingum sem tengdust útgerðinni ekki beint. Bent verður á sameiginlega þætti í bandarísku og íslensku sögunni og nokkrar áhugaverðar lykilpersónur kynntar til sögunnar.

Gestur Pétursson forstjóri Elkem á Íslandi

Framtíðarsýn í öryggismálum á Íslandi. Hver verður þróun næstu 10-20 ára

Það að koma líkamlega og andlega heil heim úr vinnu eru mannréttindi alls vinnandi fólks.Til að styðja við þau mannréttindi er það skýrt í lagaumgjörðinni hvert hlutverk vinnuveitenda er þegar kemur að framkvæmd áhættumats, forvörnum þar af lútandi og eftirfylgni. Að spá fyrir um framtíðina m.t.t. þróunar á lagaumhverfi, öryggisvitundar, viðhorfs og almenns siðferðis er aldrei auðvelt þar sem takmarkað skyggni er í flestum kristalskúlum. Hins vegar er það svo að framtíðin er ávallt afleiðing atferlis okkar sem einstaklinga og sem samfélags. Að því gefnu ættum við að geta gert þrennt til að spá fyrir um framtíðarþróun á sviði öryggismála hér á Íslandi. Horfa til fortíðar og nota þann lærdóm sem felst í sögunni til að spá fyrir um framtíðina, þar sem fortíðarhegðun er oftar en ekki besta forspárgildið um framtíðarhegðun. Horfa í eigin barm og spyrja okkur sjálf hver okkar raunverulega forgangsröðun er þegar kemur að því að skapa slysalausan vinnustað. Þetta er áleitin spurning sem allir á vinnumarkaði þurfa að svara óháð stöðu, kyni og aldri. Hins vegar er þetta spurning sem sérhver stjórnandi þarf að svara með því að greina hvort samræmi sé á milli atferlis og orða. Greina og velta því fyrir okkur hverjar eru þær megin áskoranir sem við erum að fást við í dag. Áskoranir dagsins í dag munu hafa mikil áhrif á það hvernig almennir framtíðar stjórnunarhættir munu þróast og hver forgangsröðun okkar verður í samræmi við það. Í erindinu verða tekin ýmis dæmi úr fortíð og nútíð til að spá fyrir um framtíðina út frá ofangreindum viðfangsefnum, með það fyrir augum að greina hver þróunin muni verða á næstu 10-20 árum gagnvart því markmiði að allir komi líkamlega og andlega heilir heim úr vinnu.

Brandon Wiseman, Swire Coca Cola Corporate Safety Manager

Coca Cola Operational Excellence. A Safety Diagnostic Event

Brandon Wiseman (Corporate Safety Manager, Swire Coca-Cola) will showcase a Safety Diagnostic approach using Coca-Cola’s Operational Excellence Principles to identify hazards, prioritize risk and reduce injuries. Focus will target reducing waste and risk associated with defects in the process, excessive motion/processing, transportation and improving culture and productivity.

Fá tilboð
mail Hafa samband chat Netspjall
mail chat
close

Tryggingar

Niðurstöður

Skjöl

Niðurstöður

Annað

Niðurstöður

Fréttir

Niðurstöður

News search result

Leit

Niðurstöður

Ææ en leiðinlegt!

Við fundum því miður ekki ""

Athugaðu hvort öll leitarorðin eru rétt skrifuð, annars geturðu prófað að víkka leitina með öðrum eða almennari leitarorðum.

Ef allt um þrýtur, endilega hafðu samband

close Loka
Hafðu samband
bell

Getum við aðstoðað?

Hafðu sam­band og við leys­um málið.

chat

Netspjallið

Góð leið til að fá þjón­ustu hratt og ör­ugg­lega. Þjón­ustu­full­trú­ar okk­ar svara frá 9.00 til 16.00 alla virka daga.

Opna netspjall
coffee

Komdu í heimsókn

Kíktu í heim­sókn og starfs­fólkið okk­ar tek­ur vel á móti þér.

Sjá þjónustuskrifstofur
close Loka

Netspjall VÍS

Við hvern viltu spjalla?
Vinsamlegast sendið ekki lykilorð, kortanúmer eða bankaupplýsingar í gegnum netspjallið. Öll samskipti eru vistuð í gagnagrunni. Misnotkun varðar við lög.