Gott að vita um öryggiskerfi
Úrval öryggiskerfa er mikið.
Bæði er hægt að vera með kerfi sem þú vaktar eða þá að þú kaupir þjónustu af fyrirtæki sem sér um uppsetningu og vöktun. Bæði hefur sína kosti og galla en það eitt og sér að hafa öryggiskerfi eykur öryggi á heimili, vinnustað, sumarhúsi eða hverju því sem fylgjast á með til muna.
Bæði er hægt að vera með kerfi sem þú vaktar eða þá að þú kaupir þjónustu af fyrirtæki sem sér um uppsetningu og vöktun. Bæði hefur sína kosti og galla en það eitt og sér að hafa öryggiskerfi eykur öryggi á heimili, vinnustað, sumarhúsi eða hverju því sem fylgjast á með til muna. Mikilvægt er að velja kerfi sem hentar og getur þurft að leggjast í nokkra rannsóknarvinnu til að átta sig á því. Fyrst er að ákveða hvaða upplýsingar þú vilt að kerfið gefi þér. Viltu hafa myndavél? Eiga að vera hreyfi-, innbrota-, reyks-, gas-, vatns-, raka-, hita- eða kolmónoxíðskynjarar svo eitthvað sé nefnt.
Viltu vita meira?
Hvað ber að hafa í huga
- Við mælum með reykskynjurum í öll rými heimilisins og sumarhússins.
- Vatnsskynjurum sér í lagi þar sem vatnstengdar vélar eru og ekkert niðurfall í rými.
- Gasskynjara í eldhús þar sem gaseldavél er.
- Myndavél þar sem þú vilt geta kíkt við eins og í sumarhúsið.
- Þegar þú veist hvaða skynjara þú vilt hafa getur verið gott að spyrja einhverja um reynslu þeirra af sínu kerfi, googla svolítið og skoða umsagnir.
