Er bruna­bóta­matið rétt?

Það sama gildir í vatns­tjóni, sem er bætt úr húseig­enda­trygg­ingu, þar er tjón gert upp miðað við gild­andi bruna­bóta­mat.

Það er því mikil­vægt að matið sýni efnis­legt virði eignar á hverjum tíma en fyrsta bruna­bótamat er gert þegar eign er tekin í notkun eða skráð full­gerð. Það er síðan endur­reiknað 1. júní ár hvert út frá kostn­að­ar­verði efnis- og vinnu­liða og uppfærist þess á milli mánað­ar­lega út frá bygg­ing­ar­vísi­tölu.

Á nýlegum fundi Húsnæðis- og mann­virkja­stofn­unar um bætta fram­kvæmd bruna­bóta­mats kom fram að fjöldi fast­eigna á Íslandi eru vantryggðar komi til tjóns sökum of lágs bruna­bóta­mats. Einnig kom fram að almennt virðast húseig­endur ekki nægi­lega upplýstir um að þeir þurfa sjálfir að óska eftir endur­mati á bruna­bóta­mati telji þeir að matið endur­spegli ekki virði eignar sinnar.

Hvað er bruna­bótamat

• Bruna­bótamat á að endur­spegla hvað það kostar að endur­byggja tiltekið hús eftir altjón þannig að það verði sambæri­legt því sem það var áður.

• Bruna­bótamat og fast­eignamat er ekki það sama og upphæð bruna­bóta­mats hefur ekki áhrif á fast­eigna­gjöld.

Hvenær ætti að óska eftir endur­mati á bruna­bóta­mati?

• Ef farið er í fram­kvæmdir eins og að skipta út innrétt­ingum t.d. í baðher­bergi og eldhúsi.

• Ef skipt er um einangrun, klæðn­ingu eða gólf­efni.

• Ef bætt er við skjól­veggjum, palli eða heitum potti.

Hvernig er óskað eftir endur­mati á bruna­bóta­mati?

• Á island.is er hægt að sækja um bruna­bótamat og endurmat bruna­bóta­mats.

Umsókn­inni þarf að fylgja:

• Grein­argóð lýsing á endur­bótum eða viðbygg­ingu, efni sem var notað og hvaða ár fram­kvæmd­irnar voru gerðar.

• Lýsing á öllu sem er nýrra en bygg­ing­arár, eða það ár sem er vitað að bruna­bótamat hafi verið endur­metið.

• Skýrar ljós­myndir af öllu sem tekið er fram í lýsing­unni.

Hefur endurmat til hækk­unar á bruna­bóta­mati áhrif á lögboðnu bruna­trygg­inguna mína? 

• Já, ef til tjóns kemur þá verður tjónið gert upp miðað við nýtt bruna­bóta­mat.

• Já, verð trygg­ing­ar­innar og opinber gjöld sem eru innheimt samhliða henni hækka. Gera má ráð fyrir að hækk­unin nemi um kr. 1.200 á ári fyrir hverja milljón sem bruna­bóta­matið hækkar. Þar af er bruna­trygg­ingin rúmlega þriðj­ungur en annað er opinber gjöld s.s. nátt­úru­ham­fara­gjald, forvarna­gjald og ofan­flóða­sjóð­ur.