Forvarnaráðstefna VÍS

Er kominn tími á uppfærslu?
Harpa 28. mars 2022 frá kl. 13-16

Forvarnaráðstefna VÍS er haldin árlega og býður VÍS viðskiptavinum og sérfræðingum í forvörnum fyrirtækja til hennar. Fjallað er um öryggismál og forvarnir fyrirtækja og stofnana frá öllum hliðum. Vel valdir sérfræðingar og stjórnendur á þessu sviði deila reynslu sinni með ráðstefnugestum. Ráðstefnan var fyrst haldin árið 2010 og hefur skapað sér sess sem fjölsóttasti viðburður sinnar tegundar á Íslandi.

Alvotech hlaut Forvarnaverðlaun VÍS 2022

Alvotech er fyrirmyndarfyrirtæki í forvörnum og öryggismálum. Því fylgir mikil ábyrgð að framleiða lyf og því eru öryggismál algjört forgangsatriði. Helsta áskorun fyrirtækisins í öryggismálum er ör vöxtur, fjölgun starfsstöðva og koma nýrra starfsmanna af ólíkum þjóðernum.

Með góðri skipulagningu, fræðslu og áherslu á mikilvægi stafrænna lausna í öryggismálum starfsmanna, s.s. aðgengi að atvikaskráningu, öryggisblöðum, öryggisfræðslu og þjálfunarefni, er Alvotech vel að þessum verðlaunum komið.

Ístak fékk viðurkenningu fyrir árangur í öryggismálum

Ístak er eitt þeirra fyrirtækja sem var tilnefnd til forvarnaverðlauna VÍS 2022 enda eru öryggismál starfsmanna og forvarnir til fyrirmyndar hjá fyrirtækinu.

Starfsemi Ístaks spannar 50 ár en fyrirtækið er öflugt verktakafyrirtæki sem annast fjölbreytt verkefni á ýmsum sviðum frá byggingu íbúða til virkjana.

Ístak telur um 400 starfsmenn á alþjóðavísu þar sem stærsti hlutinn eða um 320 starfa á Íslandi en á Grænlandi starfa um 60-80 starfsmenn. Helsta áskorun fyrirtækisins í öryggismálum er þjálfun nýrra starfsmanna, vitund og þekking á helstu áhættum og verklag.

Við erum stolt af samstarfinu við Ístak og óskum starfsfólki fyrirtækisins innilega til hamingju með tilnefninguna!

Þúsund Fjalir fékk viðurkenningu fyrir árangur í öryggismálum

Þúsund Fjalir er eitt þriggja fyrirtækja sem hlýtur tilnefningu til forvarnaverðlauna VÍS 2022.

Þúsund Fjalir er verktakafyrirtæki sem sinnir útkallsþjónustu fyrir tryggingafélög, sveitafélög, sem og fyrirtæki einstaklinga. Hjá fyrirtækinu starfar öflugur hópur sveina og meistara í húsasmíðum, pípulögnum, múrverki og húsamálun.

Helstu áherslur í öryggismálum fyrirtækisins eru persónuvarnir þeirra sem starfa á vettvangi ásamt fræðslu og þjálfun starfsmanna.

Hjá fyrirtækinu er stuðst við lean hugmyndafræðina sem hefur aukið upplýsingaflæði starfsmanna, auk þess sem innleiðingin hafði í för með sér gjörbyltingu á vinnuumhverfinu og umgengni þar sem hver hlutur á sinn stað og vinnuaðstaðan er vel merkt.

Við erum stolt af samstarfinu við Þúsund Fjalir og óskum starfsfólki fyrirtækisins innilega til hamingju með tilnefninguna!