Einungis 1% barna komu í leik­skólann án þess að vera í einhverjum örygg­is­búnaði samkvæmt könn­un Slysa­varna­fé­lagsins Lands­bjargar og Samgöngu­stofu árið 2023. Sama könnun sýndi einnig að 10% sex ára barna voru annað hvort í engum eða ófull­nægj­andi búnaði.

Öll börn sem ekki hafa náð 135 sm hæð eiga að vera í sér­stök­um ör­ygg­is­búnaði, um­fram bíl­belti, sem tek­ur mið af hæð og þyngd þess. Sekt fyrir að vera ekki með barn í sérstökum örygg­is­búnaði er kr. 30.000 og sama upphæð er ef farþegi undir 15 ára aldri er ekki í öryggis- og vernd­ar­bún­aði. Í fræðslu­mynd­bandi Samgöngu­stofu er farið yfir nokkra þætti barna­bíl­stóla sem gott er að hafa í huga.