Rafhlaupahjól
Það er bæði umhverfisvænt og hagkvæmt að ferðast á rafhlaupahjóli en það skiptir máli að vera með réttan öryggisbúnað og að þú kynnir þér hvaða tryggingavernd þú ert með.
Almennt fellur slys á fólki undir frítímaslysatryggingu og tjón á hjólinu undir innbústryggingu og innbúskaskótryggingu.
Í spurningasafninu okkar finnur þú svör við mörgum algengum spurningum. Hafðu samband eða kíktu í heimsókn ef þú hefur einhverjar spurningar — við aðstoðum þig með ánægju.
Tryggingar
- Heimilistrygging inniheldur frítímaslysatryggingu en hún bætir líkamstjón vegna slysa sem verða í frístundum og við ástundun almenningsíþrótta.
- Heimilistrygging inniheldur innbústryggingu. Innbústrygging tryggir rafhlaupahjól fyrir bruna, þjófnaði og vatnstjóni.
- Ef heimilistryggingin þín inniheldur innbúskaskótryggingu, sem er valkvæð trygging, eru rafhlaupahjól líka tryggð fyrir tjóni af völdum skyndilegra og ófyrirsjáanlegra utanaðkomandi atvika.
- Heimilistrygging inniheldur ábyrgðartryggingu. Ábyrgðartrygging bætir líkams- og munatjón sem þú veldur þriðja aðila vegna skaðabótaábyrgðar sem getur fallið á þig samkvæmt íslenskum skaðabótalögum við notkun á rafhlaupahjóli.
Gott að vita
- Í tryggingum eru rafhlaupahjól skilgreind sem hluti af innbúi.
- Tryggingar sem taka á þjófnaði gilda einungis ef almenn aðgát er höfð við vörslu hlutanna.
- Í heimilistryggingu er hægt að velja um tvær mismunandi tryggingarfjárhæðir og þrjár mismunandi eigin áhættur. Tryggingarfjárhæðin sem valin er ræður því hverjar hámarksbætur eru í tjónum. Eftir því sem eigin áhættan er hærri þeim mun ódýrari er tryggingin en meiri kostnaður tryggingartaka við tjón.
- Heimilistrygging gildir fyrir þig, maka eða sambúðarmaka og ógift börn ykkar og fósturbörn með sama lögheimili á Íslandi. Tryggingin gildir einnig fyrir börn ykkar yngri en 18 ára sem eiga annað lögheimili á Íslandi.
- Við bendum viðskiptavinum okkar á að passa upp á greiðslukvittanir svo hægt sé að framvísa þeim ef tilkynna þarf tjón.
Þú getur séð yfirlit yfir tryggingarnar þínar í VÍS appinu eða með því að skrá þig inn á vefinn okkar.
Forvarnir
Umferð
Umferð
Bifhjól
Oft er talað um bifhjólafólk sem óvarða vegfarendur þar sem þeir hafa ekki það öryggi sem farþegarými bíls veitir. Í bifhjólaslysum eru því þó nokkrar líkur á alvarlegum meiðslum sér í lagi ef hraði er mikill. Slysarannsóknir sýna að einn af orsakaþáttum slysa er að aðrir vegfarendur átta sig ekki á hraða og fjarlægð mótorhjóls. Það er því mikilvægt að allir temji sér að líta tvisvar og gefa stefnuljós tímalega.
Lesa meira