Ferðatrygging heimilistryggingar
Ferðatrygging er valkvæð trygging í heimilistryggingu.
Ef þú vilt kaupa heimilistryggingu með ferðatryggingu þá bendum við á netverslunina okkar. Ef þú ert nú þegar með heimilistryggingu og vilt bæta ferðatryggingu við þá er best að senda okkur fyrirspurn og við gefum þér verð í ferðatrygginguna.
Helsti kosturinn við að vera bæði með ferðatryggingu kreditkorts og ferðatryggingu heimilistryggingar er sá að ef hámarksbótafjárhæð er náð í annarri tryggingunni þá tekur hin tryggingin við ef um er að ræða umfangsmikið tjón.
Tryggingin gildir í 92 daga frá brottför en hægt er að kaupa framlengingu á gildistíma í allt að eitt ár. Ef þú ætlar að dvelja erlendis umfram gildistíma ferðatrygginga bendum við þér á sjúkrakostnaðartryggingu erlendis.
Í ákveðnum tilvikum þarftu að framvísa staðfestingu á ferðatryggingu. Það eru helst sjúkrastofnanir sem þú leitar til erlendis vegna alvarlegs slyss eða alvarlegra veikinda sem þurfa slíka staðfestingu.
Innifalið í tryggingunni
Þú getur séð yfirlit yfir tryggingarnar þínar í VÍS appinu eða með því að skrá þig inn á vefinn okkar.
Skilmálar og aðrar upplýsingar
Tryggingaskilmálar eru samningur þinn við VÍS. Mikilvægt er að þú kynnir þér skilmálana vel og áttir þig á því hvað er bætt og hvað er ekki bætt, áður en tryggingin er tekin.
Í upplýsingaskjali er að finna stutta samantekt á helstu þáttum tryggingarinnar. Upplýsingaskjöl eru stöðluð skjöl sem öllum tryggingafélögum ber að birta og auðveldar þannig viðskiptavinum tryggingafélaganna að bera saman tryggingar og sjá hvað þær bæta og bæta ekki.
Aðrar upplýsingar
