Takmörkuð líftrygging hesta
Takmörkuð líftrygging hesta hentar fyrir þá sem eiga tómstundahest. Ef þú ert með þessa tryggingu færðu greiddar bætur ef hestur deyr af völdum slyss eða sjúkdóms, ef tafarlaus aflífun er ráðlögð af dýralækni eða ef hestur hverfur og finnst ekki aftur innan 4 mánaða þrátt fyrir leit.
Takmörkuð líftrygging hesta er innifalin í reiðhestatryggingu og kynbótahryssutryggingu en þú getur einnig keypt trygginguna staka.
- Kauptímabil: Þú getur keypt trygginguna þar til hesturinn er 15 vetra gamall.
- Vottorð: Ef tryggingarfjárhæð nær 1.000.000 kr. þarf vottorð frá dýralækni um almennt heilsufar hestsins að fylgja umsókn um trygginguna. Vottorðið verður að vera innan við 30 daga gamalt og skrifað á eyðublað frá VÍS.
- Tryggingarfjárhæð: Tryggingarfjárhæð takmarkaðrar líftryggingar hesta er valfrjáls fjárhæð. Gott er að hafa í huga að bætur geta aldrei orðið hærri en markaðsvirði hestsins á tjónsdegi. Tryggingarfjárhæðin kemur fram á skírteini og endurnýjunarkvittun. Tryggingarfjárhæðin helst óskert þar til hesturinn verður 19 vetra gamall en þá lækkar hún um 20% árlega.
- Gildistími: Þegar hesturinn verður 23 vetra gamall fellur tryggingin niður og endurnýjast ekki.
- Hóplíftrygging er í boði fyrir 15 hesta eða fleiri og er hámarks tryggingarfjárhæð fyrir hvern hest 2 milljónir króna.
Tryggingin bætir
- Ef hestur deyr af völdum sjúkdóms eða slyss.
- Ef tafarlaus aflífun er ráðlögð af dýralækni.
- Ef hestur hverfur og finnst ekki aftur innan fjögurra mánaða þrátt fyrir leit.
Tryggingin bætir ekki
- Dauða eða aflífun vegna sjúkdóma eða slysa sem áttu sér upphaf áður en tryggingin tók gildi.
- Dauða eða aflífun vegna sjúkdóma sem hesturinn fær innan 20 daga frá gildistöku tryggingarinnar.
- Dauða eða aflífun vegna geðslagsvandamála.
- Dauða eða aflífun vegna stífkrampa ef hestur hefur ekki verið bólusettur á fullnægjandi hátt.
- Dauða eða aflífun vegna spatts eða annarra hreyfivandamála.
- Dauða eða aflífun vegna heltis.
- Dauða eða aflífun vegna líkamlegra þroskahamlana.
- Dauða eða aflífun vegna brots eða sprungu í beinvef, beineyðingu, hörðnunar eða gigtar.
- Dauða eða aflífun vegna viðvarandi vandamála í öndunarfærum eða viðvarandi vandamála sem verða skyndilega alvarleg.
- Aflífun vegna fyrirmæla opinberra yfirvalda.
- Vinsamlegast athugaðu að umfjöllun um trygginguna er ekki tæmandi. Nánari upplýsingar er að finna í skilmála tryggingarinnar.
- Sé ósamræmi milli umfjöllunarinnar og skilmálans þá gildir skilmálinn.
Skilmálar og aðrar upplýsingar
Tryggingaskilmálar eru samningur þinn við VÍS. Mikilvægt er að þú kynnir þér skilmálana vel og áttir þig á því hvað er bætt og hvað er ekki bætt, áður en tryggingin er tekin.
Í upplýsingaskjali er að finna stutta samantekt á helstu þáttum tryggingarinnar. Upplýsingaskjöl eru stöðluð skjöl sem öllum tryggingafélögum ber að birta og auðveldar þannig viðskiptavinum tryggingafélaganna að bera saman tryggingar og sjá hvað þær bæta og bæta ekki.
Aðrar upplýsingar
Skilmálar og upplýsingaskjal
