Sjúkrakostnaðartrygging erlendis
Sendu okkur fyrirspurn ef þú vilt fá verð í sjúkrakostnaðartryggingu erlendis.
Ef þú vilt fá verð í aðrar tryggingar bendum við á netverslunina okkar.
Það er skynsamlegt að huga að sjúkratryggingum ef þú ætlar að dvelja erlendis í lengri tíma.
Gildistími ferðatrygginga, sem innihalda sjúkratryggingar, er almennt tveir til þrír mánuðir en hægt er að sækja um að framlengja gildistímann, þó innan ákveðinna takmarkana.
Ef þú stefnir að því að dvelja erlendis umfram gildistíma almennra ferðatrygginga mælum við með sjúkrakostnaðartryggingu erlendis.
Sjúkrakostnaðartrygging erlendis bætir útlagðan sjúkrakostnað, kostnað vegna sjúkraflutnings og kostnað vegna heimflutnings líkamsleifa. Þú velur bæði gildistímann og bótafjárhæðina.
Í flestum tilfellum er hægt að kaupa viðbótartryggingu ef þú ætlar að stunda áhættusamar íþróttir eða tómstundir. Hafðu samband og við skoðum málið saman.
Það er skynsamlegt að huga að sjúkratryggingum ef þú ætlar að dvelja erlendis í lengri tíma.
Gildistími ferðatrygginga, sem innihalda sjúkratryggingar, er almennt tveir til þrír mánuðir en hægt er að sækja um að framlengja gildistímann, þó innan ákveðinna takmarkana.
Ef þú stefnir að því að dvelja erlendis umfram gildistíma almennra ferðatrygginga mælum við með sjúkrakostnaðartryggingu erlendis.
Sjúkrakostnaðartrygging erlendis bætir útlagðan sjúkrakostnað, kostnað vegna sjúkraflutnings og kostnað vegna heimflutnings líkamsleifa. Þú velur bæði gildistímann og bótafjárhæðina.
Í flestum tilfellum er hægt að kaupa viðbótartryggingu ef þú ætlar að stunda áhættusamar íþróttir eða tómstundir. Hafðu samband og við skoðum málið saman.
Tryggingin greiðir
-
Sjúkrakostnað vegna sjúkrahúslegu erlendis ásamt kostnaði vegna læknishjálpar, lyfja sem taka þarf að læknisráði og þeirrar þjónustu sem sjúkrahúsið veitir. Sjúkrahúslegan og meðferðin skulu vera fyrirskipuð af lækni og greiðslan miðast við almennt sjúkrahús í viðkomandi landi.
-
Kostnað vegna kvalastillandi tannviðgerða í neyðartilvikum. Hámark bóta vegna tannviðgerða er 1% af hámarkssjúkrakostnaði tryggingarinnar.
-
Aukaútgjöld vegna sérstakrar hóteldvalar þegar læknir álítur að meðferð geti farið fram á hóteli. Til þessara útgjalda telst t.d. kostnaður vegna hjúkrunar og sjúkrafæðis. Hámarksbætur á sólarhring vegna þessa kostnaðar eru 0,4% af hámarkssjúkrakostnaði tryggingarinnar.
-
Aukaútgjöld vegna heimferðar eða ferðar til þess að ná fyrir fram ákveðinni ferðaáætlun vegna tafar af völdum sjúkrahúslegu að læknisráði, ásamt ferðakostnaði fylgdarmanns telji læknir þörf á því.
-
Aukaútgjöld náins ættingja ef hann er með í för eða er kvaddur til með samþykki VÍS þegar tryggður slasast, veikist alvarlega eða deyr á ferð sinni. Hámarksbætur vegna þessa kostnaðar eru 4% af hámarks sjúkrakostnaði tryggingarinnar.
-
Kostnað vegna sjúkraflutnings. Telji læknir að tafarlaus heimferð sé nauðsynleg og geti orðið með venjulegum hætti nægir VÍS skrifleg staðfesting. Í slíkum tilvikum greiðast aukaútgjöld vegna heimferðarinnar, t.d. aukasæti eða dýrara farrými. Ef um svo alvarlegan sjúkdóm eða slys er að ræða að læknir telur að flytja verði viðkomandi heim með öðrum hætti þarf skriflega staðfestingu VÍS á flutningnum.
-
Kostnað vegna heimflutnings líkamsleifa. Kostnað við flutning hins látna til Íslands sem og aukakostnað samferðamanns og kostnað við lögboðnar ráðstafanir.
Tryggingin greiðir ekki
-
Sjúkrakostnað vegna sjúkdóma sem verða á 9. mánuði meðgöngu, við fæðingu eða fóstureyðingu.
-
Sjúkrakostnað vegna langvinnra sjúkdóma og slysa sem tryggður hefur notið læknishjálpar við á síðastliðnum 12 mánuðum.
-
Sjúkrakostnað vegna áframhaldandi læknismeðferðar ef tryggður neitar að láta flytja sig heim þrátt fyrir ráð læknis.
-
Sjúkrakostnað vegna læknismeðferðar erlendis lengur en í þrjá mánuði.
-
Sjúkrakostnað vegna líkamstjóns sem verður í keppni eða við æfingar til undirbúnings fyrir keppni í hvers konar íþróttum. Með íþróttum er hér átt við einstaklings- eða liðsíþróttir sem æfðar eru reglulega undir leiðsögn þjálfara á vegum félaga eða samtaka sem hafa íþróttakeppni að tilgangi. Þessi takmörkun á þó ekki við um almenningsþátttöku í keppni eða æfingum í golfi, götuhjólreiðum, þríþraut, víðavangs- eða götuhlaupi.
Vinsamlegast athugaðu að umfjöllun um trygginguna er ekki tæmandi. Nánari upplýsingar er að finna í skilmála tryggingarinnar.
Sé ósamræmi milli umfjöllunarinnar og skilmálans þá gildir skilmálinn.
Skilmálar og aðrar upplýsingar
Tryggingaskilmálar eru samningur þinn við VÍS. Mikilvægt er að þú kynnir þér skilmálana vel og áttir þig á því hvað er bætt og hvað er ekki bætt, áður en tryggingin er tekin.
Í upplýsingaskjali er að finna stutta samantekt á helstu þáttum tryggingarinnar. Upplýsingaskjöl eru stöðluð skjöl sem öllum tryggingafélögum ber að birta og auðveldar þannig viðskiptavinum tryggingafélaganna að bera saman tryggingar og sjá hvað þær bæta og bæta ekki.
Skilmálar og upplýsingaskjal
Forvarnir
Heilsa
Hreyfing
Hreyfing er öllum nauðsynleg og ætti enginn að vanmeta mikilvægi hennar. Hreyfing hjálpar til að stuðla að bæði andlegu og líkamlegu heilbrigði. Í bæklingi Landlæknisembættisins Ráðleggingar um hreyfingu eru greinargóðar upplýsingar um hreyfingu.
Lesa meira
Heilsa
Andleg heilsa
Andleg heilsa er ekki síður mikilvæg en líkamleg. Hún er þó ekki sjálfgefin frekar en líkamleg heilsa. Til einföldunar má ef til vill segja að þeir sem geta stundað sína vinnu, verið virkir þjóðfélagsþegnar, séð um sig sjálfir, lagað sig að aðstæðum og verið virkir í félagslegum samskiptum séu andlega heilir.
Lesa meira
Heilsa
Svefn og hvíld
Reglulegur svefn og hvíld er okkur lífsnauðsynleg. Þótt hægt sé að stofna til skammtímaskuldar í þessum efnum gengur það ekki til lengdar. Athyglin skerðist, lífsgæði versna, þolinmæði minnkar, slysahætta eykst og andleg líðan versnar svo eitthvað sé nefnt. En fólk þarf mismikinn svefn. Börn á grunnskólaaldri þurfa alla jafna átta til ellefu tíma svefn en fullorðnir sjö til níu klukkustundir og styttist gjarnan eftir því sem fólk eldist.
Lesa meira
Heilsa
Mataræði
Hollt, fjölbreytt og gott mataræði er öllum nauðsynlegt. Það stuðlar að vellíðan og dregur úr ýmsum heilsukvillum.
Lesa meira
Heilsa
Vímuefni
Ákjósanlegast væri að notkun á tóbaki, áfengi og öðrum vímuefnum væri ekki til staðar. Þjóðfélagslegur kostnaður vegna vímuefna er gríðarlegur og afleiðingar ofnotkunar eru oft alvarlegar og þá ekki eingöngu fyrir þá sem neyta þeirra heldur einnig þeim sem standa neytendunum nærri. Góðar upplýsingar um notkun áfengis, kannabisefna, örvandi efna, ofskynjunarefna, sprautufíkn, stera, sveppi og fleira er að finna á heimasíðu SÁÁ.
Lesa meiraEf þú ert með líf- og heilsutryggingar
gætir þú einnig haft áhuga á eftirfarandi tryggingum.
Fjölskyldu- og innbústryggingar
Öll eigum við það sameiginlegt að geta lent í óvæntum uppákomum á lífsleiðinni sem valda tjóni á innbúi eða slysum á fólki. Þess vegna er mikilvægt að þú tryggir fjölskylduna þína vel og hlutina sem þið eigið.
Fasteignatryggingar
Oftast eru kaup á fasteign ein stærsta fjárfesting sem við ráðumst í á lífsleiðinni. Því er mikilvægt að við pössum upp á að eignin sé rétt tryggð til að lágmarka fjárhagslegar afleiðingar eignatjóns.
Ökutækjatryggingar
Öll getum við gert mistök í umferðinni eða lent í aðstæðum sem leiða til tjóns. Því er mikilvægt að vera með góðar ökutækjatryggingar.
Ferðatryggingar
Ertu að skipuleggja ferðalag? Hvort sem þú ert að fara í frí, nám, vinnuferð eða vegna annarra erinda, mælum við með því að þú farir yfir það hvort þú sért með ferðatryggingar sem henta þér.
Dýratryggingar
Dýrin þarf að tryggja rétt eins og aðra fjölskyldumeðlimi. Með því að tryggja hestinn þinn, hundinn eða köttinn kemur þú í veg fyrir að lenda í ófyrirséðum kostnaði samhliða því að hafa áhyggjur af velferð dýrsins þíns.