Símar, snjallúr, tölvur og gleraugu
Tjón á símum, snjallúrum, tölvum og gleraugum eru með algengustu tjónum sem eru tilkynnt til okkar — því er mikilvægt að tryggja þennan mikilvæga búnað.
Í spurningasafninu okkar finnur þú svör við mörgum algengum spurningum. Hafðu samband eða kíktu í heimsókn ef þú hefur einhverjar spurningar — við aðstoðum þig með ánægju.
Tryggingar
- Heimilistrygging inniheldur innbústryggingu. Innbústrygging tryggir síma, snjallúr, tölvur og gleraugu fyrir bruna, þjófnaði og vatnstjóni.
- Ef heimilistryggingin þín inniheldur innbúskaskótryggingu, sem er valkvæð trygging, eru símar, snjallúr, tölvur og gleraugu líka tryggð fyrir tjóni af völdum skyndilegra og ófyrirsjáanlegra utanaðkomandi atvika.
- Ef þú átt sérstaklega verðmæta síma, snjallúr, tölvur eða gleraugu þar sem verðmæti fer yfir bótafjárhæðir í innbúskaskó þá er best fyrir þig að hafa samband og við skoðum málið saman.
- Ferðatrygging er valkvæð trygging í heimilistryggingu. Ferðatrygging inniheldur farangurstryggingu sem bætir tjón á farangri þínum í flutningi eða ef honum er rænt á ferðalaginu.
Gott að vita
- Í tryggingum eru hlutir eins og símar, snjallúr, tölvur og gleraugu skilgreindir sem hluti af innbúi.
- Símar og snjallúr afskrifast á tveimur árum og tölvur á fimm árum.
- Í heimilistryggingu er hægt að velja um tvær mismunandi tryggingarfjárhæðir og þrjár mismunandi eigin áhættur. Tryggingarfjárhæðin sem valin er ræður því hverjar hámarksbætur eru í tjónum. Eftir því sem eigin áhættan er hærri þeim mun ódýrari er tryggingin en meiri kostnaður tryggingartaka við tjón.
- Heimilistrygging gildir fyrir þig, maka eða sambúðarmaka og ógift börn ykkar og fósturbörn með sama lögheimili á Íslandi. Tryggingin gildir einnig fyrir börn ykkar yngri en 18 ára sem eiga annað lögheimili á Íslandi.
- Helsti kosturinn við að vera bæði með ferðatryggingu kreditkorts og ferðatryggingu heimilistryggingar er sá að ef hámarksbótafjárhæð er náð í annarri tryggingunni þá tekur hin tryggingin við ef um er að ræða umfangsmikið tjón.
- Við bendum viðskiptavinum okkar á að passa upp á greiðslukvittanir svo hægt sé að framvísa þeim ef tilkynna þarf tjón.
Þú getur séð yfirlit yfir tryggingarnar þínar í VÍS appinu eða með því að skrá þig inn á vefinn okkar.
Er tjónið bætt?
Ég týndi gleraugunum mínum, er tjónið bætt?
Ég missti gleraugun mín og þau brotnuðu, er tjónið bætt?
Ég missti símann minn í klósettið og hann er ónýtur, er tjónið bætt?
Skjárinn brotnaði á símanum / tölvunni, er tjónið bætt?
Síminn minn eyðilagðist, hann er eldri en 2 ára. Er tjónið bætt?
Forvarnir
Heimilið
Heimilið
Innbrot
Margt er hægt að gera til að fyrirbyggja innbrot. Oft á tíðum er andlega vanlíðan og óöryggið sem fylgir því að brotist er inn á heimilið mun verra en tjónið og munir sem hverfa í innbrotinu. Því er mikilvægt að hver og einn sé meðvitaður um þær forvarnir sem hann getur sinnt til að koma í veg fyrir innbrot hjá sér. Reynslan hefur sýnt að innbrot eru oft vel skipulögð. Þjófar eru oftast að leita eftir hlutum sem auðvelt er að koma í verð eins og myndavélum, fartölvum, símum, spjaldtölvum, flatskjáum, peningum og skartgripum. Gátlisti um undirbúning heimilisins fyrir fríið getur verið gott að styðjast við til að ekkert gleymist.
Lesa meira