Fjallasport og fjallgöngur
Hvort sem þú stundar sérhæft fjallasport eða fjallgöngur þér til ánægju og heilsubótar, viljum við að þú sért með þá tryggingavernd sem þú þarft. Almennt fellur slys á fólki undir frítímaslysatryggingu og tjón á búnaði undir innbústryggingu og innbúskaskótryggingu.
Í spurningasafninu okkar finnur þú svör við mörgum algengum spurningum. Hafðu samband eða kíktu í heimsókn ef þú hefur einhverjar spurningar — við aðstoðum þig með ánægju.
Tryggingar
- Heimilistrygging inniheldur frítímaslysatryggingu en hún bætir líkamstjón vegna slysa sem verða í frístundum og við ástundun almenningsíþrótta. Börn í keppnisíþróttum falla undir frítímaslysatryggingu fjölskyldunnar til 18 ára aldurs.
- Slys sem verða í bjargsigi, klettaklifri, fjallaklifri og ísklifri eru undanskilin í frítímaslysatryggingu og sama á við um slys sem verða í fjallgöngu af hvaða tegund sem er yfir 4.000 metra hæð frá sjávarmáli. Í flestum tilfellum er hægt að kaupa viðbótartryggingu með því að hafa samband við okkur.
- Heimilistrygging inniheldur ábyrgðartryggingu. Ábyrgðartrygging bætir líkams- og munatjón sem þú veldur þriðja aðila vegna skaðabótaábyrgðar sem getur fallið á þig samkvæmt íslenskum skaðabótalögum.
- Búnaður sem notaður er í almennu fjallasporti er skilgreindur sem hluti af innbúi. Heimilistrygging tryggir innbú fyrir bruna, þjófnaði og vatnstjóni. Ef þú ert einnig með innbúskaskótryggingu, sem er valkvæð, þá er búnaðurinn einnig tryggður fyrir tjóni af völdum skyndilegra og ófyrirsjáanlegra utanaðkomandi atvika.
- Ef þú ætlar að stunda almennt fjallasport erlendis þá mælum við með ferðatryggingu heimilistryggingar.
- Ef þú átt sérstaklega verðmætan útivistarbúnað þar sem verðmæti fer yfir bótafjárhæðir í innbúskaskó þá er best fyrir þig að hafa samband og við skoðum málið saman.
Gott að vita
- Ef fjölskyldan er með frítímaslysatryggingu gildir hún ef þið stundið almenningsíþróttir. Börn í keppnisíþróttum falla líka undir frítímaslysatryggingu fjölskyldunnar til 18 ára aldurs. Við mælum því með slysatryggingu fyrir keppnisíþróttafólk sem er 18 ára og eldra.
- Í heimilistryggingu er hægt að velja um tvær mismunandi tryggingarfjárhæðir og þrjár mismunandi eigin áhættur. Tryggingarfjárhæðin sem valin er ræður því hverjar hámarksbætur eru í tjónum. Eftir því sem eigin áhættan er hærri þeim mun ódýrari er tryggingin en meiri kostnaður tryggingartaka við tjón.
- Heimilistrygging gildir fyrir þig, maka eða sambúðarmaka og ógift börn ykkar og fósturbörn með sama lögheimili á Íslandi. Tryggingin gildir einnig fyrir börn ykkar yngri en 18 ára sem eiga annað lögheimili á Íslandi.
- Helsti kosturinn við að vera bæði með ferðatryggingu kreditkorts og ferðatryggingu heimilistryggingar er sá að ef hámarksbótafjárhæð er náð í annarri tryggingunni þá tekur hin tryggingin við ef um er að ræða umfangsmikið tjón.
- Tryggingar sem taka á þjófnaði gilda einungis ef almenn aðgát er höfð við vörslu hlutanna.
- Við bendum viðskiptavinum okkar á að passa upp á greiðslukvittanir svo hægt sé að framvísa þeim ef tilkynna þarf tjón.
Þú getur séð yfirlit yfir tryggingarnar þínar í VÍS appinu eða með því að skrá þig inn á vefinn okkar.
Forvarnir
Frítími
Frítími
Vetrarsport
Til að stuðla að heilbrigði er regluleg hreyfing nauðsynleg og er úr nægu að velja. Vinsældir vetrarsports er sífellt að aukast og partur af tilverunni hjá mörgum yfir vetrartímann er að skella sér á svigskíði, gönguskíði, bretti eða skauta.
Lesa meira