Sjúkrakostnaðartrygging innlands er skammtímatrygging. Tryggingin gildir í sex mánuði og tekur gildi þegar tryggður hefur fengið útgefið dvalarleyfi eða er íslenskur ríkisborgari sem hefur skráð lögheimili sitt á Íslandi.
Ef þú flytur til Íslands frá öðru landi innan Evrópska efnahagssvæðisins, Grænlandi eða Færeyjum kann að vera að þú eigir rétt á sjúkratryggingu frá Sjúkratryggingum Íslands án sex mánaða biðtíma.
Tryggingin er skyldutrygging fyrir útlendinga sem eru að koma tímabundið til Íslands vegna vinnu eða náms og hafa sótt um dvalar- eða atvinnuleyfi frá Útlendingastofnun.
Ef eitthvað kemur upp á og sækja þarf um bætur úr tryggingunni, þarf tryggður að leggja fram staðfestingu frá Útlendingastofnun um að dvalarleyfi sé í gildi á tjónsdegi.
Eigin áhætta er 50.000 kr. vegna samanlagðs kostnaðar sem fellur undir trygginguna.
Sjúkrakostnaðartrygging innlands er skammtímatrygging. Tryggingin gildir í sex mánuði og tekur gildi þegar tryggður hefur fengið útgefið dvalarleyfi eða er íslenskur ríkisborgari sem hefur skráð lögheimili sitt á Íslandi.
Ef þú flytur til Íslands frá öðru landi innan Evrópska efnahagssvæðisins, Grænlandi eða Færeyjum kann að vera að þú eigir rétt á sjúkratryggingu frá Sjúkratryggingum Íslands án sex mánaða biðtíma.
Tryggingin er skyldutrygging fyrir útlendinga sem eru að koma tímabundið til Íslands vegna vinnu eða náms og hafa sótt um dvalar- eða atvinnuleyfi frá Útlendingastofnun.
Ef eitthvað kemur upp á og sækja þarf um bætur úr tryggingunni, þarf tryggður að leggja fram staðfestingu frá Útlendingastofnun um að dvalarleyfi sé í gildi á tjónsdegi.
Eigin áhætta er 50.000 kr. vegna samanlagðs kostnaðar sem fellur undir trygginguna.
Tryggingin bætir
-
Kostnað við sjúkrahúsvist að ráði læknis og kostnað vegna almennrar og sérhæfðar þjónustu sem veitt er á sjúkrahúsum, án þess að um innlögn á sjúkrahús sé að ræða, þó ekki á heilsuhælum nema vegna afleiðinga sjúkdóms sem fyrst sýndi einkenni eftir að tryggingin tók gildi eða slyss sem varð á tryggingartímabilinu.
-
Kostnað við almenna læknishjálp utan sjúkrahúsa.
-
Kostnað við nauðsynlegar rannsóknir og meðferð hjá sérgreinalæknum.
-
Kostnað við lyf sem tryggðum er lífsnauðsynlegt að nota að staðaldri, auk annars nauðsynlegs lyfjakostnaðar.
-
Kostnað vegna óhjákvæmilegs ferðakostnaðar læknis til tryggðs og flutningskostnaðar tryggðs á sjúkrahús.
-
Kostnað vegna hjúkrunar í heimahúsum vegna alvarlegra og langvinnra sjúkdóma eða slysa sem eru innan bótasviðs tryggingarinnar enda komi heimalega í stað sjúkrahúsvistar.
Tryggingin bætir ekki
-
Kostnað vegna bólusetninga.
-
Kostnað vegna dvalar á fæðingarstofnunum.
-
Kostnað sem tryggður á rétt á úr opinberum sjúkratryggingum á Íslandi eða erlendis.
-
Kostnað vegna slyss sem hefur orðið áður en trygging tók gildi.
-
Kostnað vegna sjúkdóms sem fyrst hafði sýnt einkenni áður en tryggingin tók gildi.
-
Kostnað vegna tannlækninga eða lýtalækninga, nema um sé að ræða nauðsynlegar bráðaaðgerðir vegna bótaskylds slyss eða sjúkdóms.
-
Kostnað vegna meðgöngu, fæðingarhjálpar eða sjúkdóma sem rekja má til meðgöngu eða fósturláts.
-
Kostnað vegna sjúkdóms sem rót á að rekja til neyslu áfengis og ávana- og fíkniefna.
-
Kostnað vegna slysa í áhættusömum íþróttagreinum.
-
Kostnað vegna slysa sem verða í ryskingum eða þátttöku í refsiverðum verknaði.
-
Kostnað vegna slysa sem beint eða óbeint hljótast af eða eru af völdum jarðskjálfta, eldgoss, skriðufalls, snjóflóðs eða annarra náttúruhamfara.
Vinsamlegast athugaðu að umfjöllun um trygginguna er ekki tæmandi. Nánari upplýsingar er að finna í skilmála tryggingarinnar.
Sé ósamræmi milli umfjöllunarinnar og skilmálans þá gildir skilmálinn.
Skilmálar og aðrar upplýsingar
Tryggingaskilmálar eru samningur þinn við VÍS. Mikilvægt er að þú kynnir þér skilmálana vel og áttir þig á því hvað er bætt og hvað er ekki bætt, áður en tryggingin er tekin.
Í upplýsingaskjali er að finna stutta samantekt á helstu þáttum tryggingarinnar. Upplýsingaskjöl eru stöðluð skjöl sem öllum tryggingafélögum ber að birta og auðveldar þannig viðskiptavinum tryggingafélaganna að bera saman tryggingar og sjá hvað þær bæta og bæta ekki.
Skilmálar og upplýsingaskjal
Forvarnir
Heilsa
Hreyfing
Hreyfing er öllum nauðsynleg og ætti enginn að vanmeta mikilvægi hennar. Hreyfing hjálpar til að stuðla að bæði andlegu og líkamlegu heilbrigði. Í bæklingi Landlæknisembættisins Ráðleggingar um hreyfingu eru greinargóðar upplýsingar um hreyfingu.
Lesa meira
Heilsa
Andleg heilsa
Andleg heilsa er ekki síður mikilvæg en líkamleg. Hún er þó ekki sjálfgefin frekar en líkamleg heilsa. Til einföldunar má ef til vill segja að þeir sem geta stundað sína vinnu, verið virkir þjóðfélagsþegnar, séð um sig sjálfir, lagað sig að aðstæðum og verið virkir í félagslegum samskiptum séu andlega heilir.
Lesa meira
Heilsa
Svefn og hvíld
Reglulegur svefn og hvíld er okkur lífsnauðsynleg. Þótt hægt sé að stofna til skammtímaskuldar í þessum efnum gengur það ekki til lengdar. Athyglin skerðist, lífsgæði versna, þolinmæði minnkar, slysahætta eykst og andleg líðan versnar svo eitthvað sé nefnt. En fólk þarf mismikinn svefn. Börn á grunnskólaaldri þurfa alla jafna átta til ellefu tíma svefn en fullorðnir sjö til níu klukkustundir og styttist gjarnan eftir því sem fólk eldist.
Lesa meira
Heilsa
Mataræði
Hollt, fjölbreytt og gott mataræði er öllum nauðsynlegt. Það stuðlar að vellíðan og dregur úr ýmsum heilsukvillum.
Lesa meira
Heilsa
Vímuefni
Ákjósanlegast væri að notkun á tóbaki, áfengi og öðrum vímuefnum væri ekki til staðar. Þjóðfélagslegur kostnaður vegna vímuefna er gríðarlegur og afleiðingar ofnotkunar eru oft alvarlegar og þá ekki eingöngu fyrir þá sem neyta þeirra heldur einnig þeim sem standa neytendunum nærri. Góðar upplýsingar um notkun áfengis, kannabisefna, örvandi efna, ofskynjunarefna, sprautufíkn, stera, sveppi og fleira er að finna á heimasíðu SÁÁ.
Lesa meiraAðrar tryggingar
Fjölskyldu- og innbústryggingar
Öll eigum við það sameiginlegt að geta lent í óvæntum uppákomum á lífsleiðinni sem valda tjóni á innbúi eða slysum á fólki. Þess vegna er mikilvægt að þú tryggir fjölskylduna þína vel og hlutina sem þið eigið.
Fasteignatryggingar
Oftast eru kaup á fasteign ein stærsta fjárfesting sem við ráðumst í á lífsleiðinni. Því er mikilvægt að við pössum upp á að eignin sé rétt tryggð til að lágmarka fjárhagslegar afleiðingar eignatjóns.
Ökutækjatryggingar
Öll getum við gert mistök í umferðinni eða lent í aðstæðum sem leiða til tjóns. Því er mikilvægt að vera með góðar ökutækjatryggingar.
Ferðatryggingar
Ertu að skipuleggja ferðalag? Hvort sem þú ert að fara í frí, nám, vinnuferð eða vegna annarra erinda, mælum við með því að þú farir yfir það hvort þú sért með ferðatryggingar sem henta þér.
Dýratryggingar
Dýrin þarf að tryggja rétt eins og aðra fjölskyldumeðlimi. Með því að tryggja hestinn þinn, hundinn eða köttinn kemur þú í veg fyrir að lenda í ófyrirséðum kostnaði samhliða því að hafa áhyggjur af velferð dýrsins þíns.