Golf og tryggingar
Það skiptir máli fyrir heilsuna að stunda útiveru og hreyfingu. Golfíþróttin sameinar þetta tvennt og er sannarlega vinsæl hjá landsmönnum. Við mælum með því að allir golfarar kynni sér þær tryggingar sem vernda þá sjálfa sem og golfbúnaðinn.
Í spurningasafninu okkar finnur þú svör við mörgum algengum spurningum. Hafðu samband eða kíktu í heimsókn ef þú hefur einhverjar spurningar — við aðstoðum þig með ánægju.
Tryggingar
-
Heimilistrygging inniheldur frítímaslysatryggingu en hún bætir líkamstjón vegna slysa sem verða í frístundum og við ástundun almenningsíþrótta. Börn í keppnisíþróttum falla undir frítímaslysatryggingu fjölskyldunnar til 18 ára aldurs.
-
Heimilistrygging inniheldur ábyrgðartryggingu en hún bætir líkams- og munatjón sem þú veldur þriðja aðila með golfiðkun á golfvelli eða á æfingasvæði við golfvöll, án tillits til skaðabótaábyrgðar að lögum.
-
Almennur golfbúnaður er skilgreindur sem hluti af innbúi. Heimilistrygging tryggir innbú fyrir bruna, þjófnaði og vatnstjóni. Ef þú ert einnig með innbúskaskótryggingu, sem er valkvæð, þá er búnaðurinn einnig tryggður fyrir tjóni af völdum skyndilegra og ófyrirsjáanlegra utanaðkomandi atvika.
-
Golfbílar eru ekki skilgreindir sem innbú og þarf því að tryggja sérstaklega og við mælum með víðtækri eignatryggingu.
-
Ef þú ætlar í golfferð erlendis þá mælum við með ferðatryggingu heimilistryggingar.
-
Ef þú átt sérstaklega verðmætan golfbúnað þar sem verðmæti fer yfir bótafjárhæðir í innbúskaskó þá er best fyrir þig að hafa samband og við skoðum málið saman.
Gott að vita
-
Ef fjölskyldan er með frítímaslysatryggingu gildir hún ef þið stundið almenningsíþróttir. Börn í keppnisíþróttum falla líka undir frítímaslysatryggingu fjölskyldunnar til 18 ára aldurs. Við mælum því með slysatryggingu fyrir keppnisíþróttafólk sem er 18 ára og eldra.
-
Í heimilistryggingu er hægt að velja um tvær mismunandi tryggingarfjárhæðir og þrjár mismunandi eigin áhættur. Tryggingarfjárhæðin sem valin er ræður því hverjar hámarksbætur eru í tjónum. Eftir því sem eigin áhættan er hærri þeim mun ódýrari er tryggingin en meiri kostnaður tryggingartaka við tjón.
-
Heimilistrygging gildir fyrir þig, maka eða sambúðarmaka og ógift börn ykkar og fósturbörn með sama lögheimili á Íslandi. Tryggingin gildir einnig fyrir börn ykkar yngri en 18 ára sem eiga annað lögheimili á Íslandi.
-
Helsti kosturinn við að vera bæði með ferðatryggingu kreditkorts og ferðatryggingu heimilistryggingar er sá að ef hámarksbótafjárhæð er náð í annarri tryggingunni þá tekur hin tryggingin við ef um er að ræða umfangsmikið tjón.
-
Tryggingar sem taka á þjófnaði gilda einungis ef almenn aðgát er höfð við vörslu hlutanna.
-
Við bendum viðskiptavinum okkar á að passa upp á greiðslukvittanir svo hægt sé að framvísa þeim ef tilkynna þarf tjón.
Þú getur séð yfirlit yfir tryggingarnar þínar í VÍS appinu eða með því að skrá þig inn á vefinn okkar.
Forvarnir
Heilsa
Hreyfing
Hreyfing er öllum nauðsynleg og ætti enginn að vanmeta mikilvægi hennar. Hreyfing hjálpar til að stuðla að bæði andlegu og líkamlegu heilbrigði. Í bæklingi Landlæknisembættisins Ráðleggingar um hreyfingu eru greinargóðar upplýsingar um hreyfingu.
Lesa meira
Heilsa
Andleg heilsa
Andleg heilsa er ekki síður mikilvæg en líkamleg. Hún er þó ekki sjálfgefin frekar en líkamleg heilsa. Til einföldunar má ef til vill segja að þeir sem geta stundað sína vinnu, verið virkir þjóðfélagsþegnar, séð um sig sjálfir, lagað sig að aðstæðum og verið virkir í félagslegum samskiptum séu andlega heilir.
Lesa meira
Heilsa
Svefn og hvíld
Reglulegur svefn og hvíld er okkur lífsnauðsynleg. Þótt hægt sé að stofna til skammtímaskuldar í þessum efnum gengur það ekki til lengdar. Athyglin skerðist, lífsgæði versna, þolinmæði minnkar, slysahætta eykst og andleg líðan versnar svo eitthvað sé nefnt. En fólk þarf mismikinn svefn. Börn á grunnskólaaldri þurfa alla jafna átta til ellefu tíma svefn en fullorðnir sjö til níu klukkustundir og styttist gjarnan eftir því sem fólk eldist.
Lesa meira
Heilsa
Mataræði
Hollt, fjölbreytt og gott mataræði er öllum nauðsynlegt. Það stuðlar að vellíðan og dregur úr ýmsum heilsukvillum.
Lesa meira
Heilsa
Vímuefni
Ákjósanlegast væri að notkun á tóbaki, áfengi og öðrum vímuefnum væri ekki til staðar. Þjóðfélagslegur kostnaður vegna vímuefna er gríðarlegur og afleiðingar ofnotkunar eru oft alvarlegar og þá ekki eingöngu fyrir þá sem neyta þeirra heldur einnig þeim sem standa neytendunum nærri. Góðar upplýsingar um notkun áfengis, kannabisefna, örvandi efna, ofskynjunarefna, sprautufíkn, stera, sveppi og fleira er að finna á heimasíðu SÁÁ.
Lesa meiraAðrar tryggingar
Fasteignatryggingar
Oftast eru kaup á fasteign ein stærsta fjárfesting sem við ráðumst í á lífsleiðinni. Því er mikilvægt að við pössum upp á að eignin sé rétt tryggð til að lágmarka fjárhagslegar afleiðingar eignatjóns.
Ökutækjatryggingar
Öll getum við gert mistök í umferðinni eða lent í aðstæðum sem leiða til tjóns. Því er mikilvægt að vera með góðar ökutækjatryggingar.
Líf- og heilsutryggingar
Enginn býst við því að missa heilsuna eða lenda í alvarlegu slysi en staðreyndin er þó sú að allir geta lent í þeim aðstæðum. Fjárhagslegt öryggi fjölskyldunnar er tryggt með góðum líf- og heilsutryggingum.
Ferðatryggingar
Ertu að skipuleggja ferðalag? Hvort sem þú ert að fara í frí, nám, vinnuferð eða vegna annarra erinda, mælum við með því að þú farir yfir það hvort þú sért með ferðatryggingar sem henta þér.
Dýratryggingar
Dýrin þarf að tryggja rétt eins og aðra fjölskyldumeðlimi. Með því að tryggja hestinn þinn, hundinn eða köttinn kemur þú í veg fyrir að lenda í ófyrirséðum kostnaði samhliða því að hafa áhyggjur af velferð dýrsins þíns.