Ferðatryggingar
Hvort sem þú ert að fara í frí, nám, vinnuferð eða vegna annarra erinda, mælum við með því að þú farir yfir það hvort þú sért með ferðatryggingar sem henta þér. Það er mjög misjafnt hversu mikla vernd viðskiptavinir okkar kjósa að hafa enda er tilgangur ferðalaganna misjafn.
Í spurningasafninu okkar finnur þú svör við mörgum algengum spurningum. Hafðu samband eða kíktu í heimsókn ef eitthvað er óljóst — við aðstoðum þig með ánægju.
Ferðatrygging heimilistryggingar er víðtæk ferðatrygging sem gildir í 92 daga. Hún býður upp á ýmsar viðbætur eins og framlengingu á gildistíma og vernd ef þú ætlar að stunda áhættusamar tómstundir eða keppa í íþróttum erlendis.
Ferðatryggingar kreditkorta innihalda almennar ferðatryggingar en bótasvið þeirra og gildistími er mismunandi eftir tegundum korta.
VÍS er tryggingafélag kreditkorta Íslandsbanka, kreditkorta Sparisjóðanna, léttkorts Símans Pay og Kardio.
Helsti kosturinn við að vera bæði með ferðatryggingu kreditkorts og ferðatryggingu heimilistryggingar er sá að ef hámarksbótafjárhæð er náð í annarri tryggingunni þá tekur hin tryggingin við ef um er að ræða umfangsmikið tjón.
Ef þú ætlar að dvelja erlendis umfram gildistíma ferðatrygginga bendum við þér á sjúkrakostnaðartryggingu erlendis.
Aðrar tryggingar
Fjölskyldu- og innbústryggingar
Öll eigum við það sameiginlegt að geta lent í óvæntum uppákomum á lífsleiðinni sem valda tjóni á innbúi eða slysum á fólki. Þess vegna er mikilvægt að þú tryggir fjölskylduna þína vel og hlutina sem þið eigið.
Fasteignatryggingar
Oftast eru kaup á fasteign ein stærsta fjárfesting sem við ráðumst í á lífsleiðinni. Því er mikilvægt að við pössum upp á að eignin sé rétt tryggð til að lágmarka fjárhagslegar afleiðingar eignatjóns.
Ökutækjatryggingar
Öll getum við gert mistök í umferðinni eða lent í aðstæðum sem leiða til tjóns. Því er mikilvægt að vera með góðar ökutækjatryggingar.
Líf- og heilsutryggingar
Enginn býst við því að missa heilsuna eða lenda í alvarlegu slysi en staðreyndin er þó sú að allir geta lent í þeim aðstæðum. Fjárhagslegt öryggi fjölskyldunnar er tryggt með góðum líf- og heilsutryggingum.
Dýratryggingar
Dýrin þarf að tryggja rétt eins og aðra fjölskyldumeðlimi. Með því að tryggja hestinn þinn, hundinn eða köttinn kemur þú í veg fyrir að lenda í ófyrirséðum kostnaði samhliða því að hafa áhyggjur af velferð dýrsins þíns.