Skíði og tryggingar
Allt skíðafólk þarf að huga að tryggingavernd sinni hvort sem skíðað er í brekkum innanlands eða erlendis.
Í spurningasafninu okkar finnur þú svör við mörgum algengum spurningum. Hafðu samband eða kíktu í heimsókn ef þú hefur einhverjar spurningar — við aðstoðum þig með ánægju.
Tryggingar
-
Heimilistrygging inniheldur frítímaslysatryggingu en hún bætir líkamstjón vegna slysa sem verða í frístundum og við ástundun almenningsíþrótta. Börn í keppnisíþróttum falla undir frítímaslysatryggingu fjölskyldunnar til 18 ára aldurs.
-
Skíðabúnaður skilgreindur sem hluti af innbúi. Heimilistrygging tryggir innbú fyrir bruna, þjófnaði og vatnstjóni. Ef þú ert einnig með innbúskaskótryggingu, sem er valkvæð, þá er búnaðurinn einnig tryggður fyrir tjóni af völdum skyndilegra og ófyrirsjáanlegra utanaðkomandi atvika.
-
Ef þú átt sérstaklega verðmætan skíðabúnað þar sem verðmæti fer yfir bótafjárhæðir í innbúskaskó þá er best fyrir þig að hafa samband og við skoðum málið saman.
Skíðaferðir erlendis
-
Á sumum skíðasvæðum er farið fram á staðfestingu á ábyrgðartryggingu. Við ráðleggjum alltaf okkar viðskiptavinum að kaupa trygginguna sem boðið er upp á á skíðasvæðinu. Ástæða þess er sú að okkar ábyrgðartrygging fer eftir íslenskum skaðabótalögum og við vitum ekki hvernig skaðabótaskyldan er í viðkomandi landi.
-
Ef þú ætlar í skíðaferð erlendis þá mælum við með ferðatryggingu.
Gott að vita
-
Ef fjölskyldan er með frítímaslysatryggingu gildir hún ef þið stundið almenningsíþróttir. Börn í keppnisíþróttum falla líka undir frítímaslysatryggingu fjölskyldunnar til 18 ára aldurs. Við mælum því með slysatryggingu fyrir keppnisíþróttafólk sem er 18 ára og eldra.
-
Í heimilistryggingu er hægt að velja um tvær mismunandi tryggingarfjárhæðir og þrjár mismunandi eigin áhættur. Tryggingarfjárhæðin sem valin er ræður því hverjar hámarksbætur eru í tjónum. Eftir því sem eigin áhættan er hærri þeim mun ódýrari er tryggingin en meiri kostnaður tryggingartaka við tjón.
-
Heimilistrygging gildir fyrir þig, maka eða sambúðarmaka og ógift börn ykkar og fósturbörn með sama lögheimili á Íslandi. Tryggingin gildir einnig fyrir börn ykkar yngri en 18 ára sem eiga annað lögheimili á Íslandi.
-
Helsti kosturinn við að vera bæði með ferðatryggingu kreditkorts og ferðatryggingu heimilistryggingar er sá að ef hámarksbótafjárhæð er náð í annarri tryggingunni þá tekur hin tryggingin við ef um er að ræða umfangsmikið tjón.
-
Kynntu þér þjónustu SOS International. Gott er að vista símanúmerið þeirra áður en þú leggur af stað. Hafðu Evrópska sjúkratryggingakortið alltaf meðferðis á ferðalögum erlendis
-
Slys og tjón vegna snjóflóða eru undanskilin í öllum ferðatryggingum. Slys sem verða þegar skíðað er utan alfaraleiða eru undanskilin í ferðatryggingum kreditkorta.
-
Tryggingar sem taka á þjófnaði gilda einungis ef almenn aðgát er höfð við vörslu hlutanna.
-
Við bendum viðskiptavinum okkar á að passa upp á greiðslukvittanir og læknisfræðileg gögn svo hægt sé að framvísa þeim ef tilkynna þarf tjón.
Þú getur séð yfirlit yfir tryggingarnar þínar í VÍS appinu eða með því að skrá þig inn á vefinn okkar.
Aðrar tryggingar
Fasteignatryggingar
Oftast eru kaup á fasteign ein stærsta fjárfesting sem við ráðumst í á lífsleiðinni. Því er mikilvægt að við pössum upp á að eignin sé rétt tryggð til að lágmarka fjárhagslegar afleiðingar eignatjóns.
Ökutækjatryggingar
Öll getum við gert mistök í umferðinni eða lent í aðstæðum sem leiða til tjóns. Því er mikilvægt að vera með góðar ökutækjatryggingar.
Líf- og heilsutryggingar
Enginn býst við því að missa heilsuna eða lenda í alvarlegu slysi en staðreyndin er þó sú að allir geta lent í þeim aðstæðum. Fjárhagslegt öryggi fjölskyldunnar er tryggt með góðum líf- og heilsutryggingum.
Ferðatryggingar
Ertu að skipuleggja ferðalag? Hvort sem þú ert að fara í frí, nám, vinnuferð eða vegna annarra erinda, mælum við með því að þú farir yfir það hvort þú sért með ferðatryggingar sem henta þér.
Dýratryggingar
Dýrin þarf að tryggja rétt eins og aðra fjölskyldumeðlimi. Með því að tryggja hestinn þinn, hundinn eða köttinn kemur þú í veg fyrir að lenda í ófyrirséðum kostnaði samhliða því að hafa áhyggjur af velferð dýrsins þíns.