Hlut­verk VÍS í <br> samfé­laginu

Öllu máli skiptir hvernig viðskipta­vinir okkar upplifa þjón­ust­una. Við viljum sífellt bæta upplifun þeirra og ánægju. Þess vegna spyrjum við og mælum reglu­lega hvernig viðskipta­vinir okkar upplifa þjón­ust­una. Við hlustum, því við viljum alltaf gera betur. Þarfir viðskipta­vin­arins er leið­ar­ljósið í öllu okkar starfi.

Trygg­ingar geta virst flóknar við fyrstu sýn — og því höfum við lagt allt kapp á að einfalda skil­mála til þess að gera trygg­ingar aðgengi­legri. Einnig höfum við lagt mikla áherslu á að gera verð­skrár gagn­særri.

Vegna þess að við erum á staf­rænni vegferð og fram­tíð­ar­sýnin er að verða staf­rænt þjón­ustu­fyr­ir­tæki — þá þurfum við huga vel að staf­rænu öryggi. Á árinu 2022 hófst undir­bún­ingur að innleið­ingu ISO 27001 um upplýs­inga­ör­yggi — en gert er ráð fyrir að innleið­ingin klárist á fullu á árinu 2023. Við kapp­kostum að auka sjálf­virkni og staf­rænar lausnir fyrir viðskipta­vini okkar, til dæmis við tilkynn­ingu tjóna og í útgreiðslu þeirra. Til þess að tryggja öryggi gagna leggjum við áherslu á að loka gömlum kerfum, gagna­grunnum og lausnum eins fljótt og auðið er.

Við viljum hjálpa viðskipta­vinum okkar að lenda sjaldnar í tjónum og leggjum því mikla áherslu á forvarnir. Við erum stolt af því að eiga langa sögu um forvarnir og höfðum til dæmis mikil áhrif á notkun barna­bíl­stóla hér á landi. Samfé­lagsleg ábyrgð og sjálf­bærni eru því samofin sögu félagins — sem og öllum rekstri þess.

Öllum fyrir­tækjum býðst ákveðin forvarna­þjón­usta í samræmi við umfang viðskipta. Við viljum vinna náið með viðskipta­vinum okkar til þess að koma í veg fyrir tjón. Þess vegna sinnum við öflugu forvarn­ar­starfi, með einstak­lingum og fyrir­tækjum. Viðskipta­vinir fá aðgang að almennu forvarna­fræðslu­efni er lýtur að öryggi fyrir­tækja og öllum býðst að taka þátt í árlegri Forvarna­ráð­stefnu VÍS. Reynslan sýnir að það leiðir til raun­veru­legs árangurs við að fækka tjónum og slysum og um leið fjár­hags­legs ávinn­ings fyrir fyrir­tækin.

Þegar viðskipta­stjórar okkar fara í heim­sóknir er í boði að fá fram­kvæmt stöðumat forvarna hjá fyrir­tæk­inu. Það veitir stjórn­endum góða sýn yfir stöðu örygg­is­mála og forvarna í starf­sem­inni. VÍS hefur þá sérstöðu að geta boðið fyrir­tækjum aðgang að atvika­skrán­ing­ar­kerfinu ATVIK sem er mikil­vægt verk­færi til að halda utan um áhættur í starf­sem­inni sem meðal annars auðveldar yfirsýn og úrbætur.

Við leggjum líka miklu áherslu á að fræða viðskipta­vini okkar um algeng tjón á heim­ilinu og áhrifa­ríkar leiðir til þess að koma í veg fyrir tjónin.

Undan­farin misseri höfum við líka lagt áherslu á að vekja athygli á því að öryggi getur verið aðlað­andi og skemmti­legt. Við þurfum að breyta því hvernig við hugsum svona mikil­vægar græjur. Því ekki viljum við að mikil­vægar örygg­is­vörur séu ekki á sínum stað vegna þess að heim­il­is­fólkinu finnist þær ekki nógu fallegar. Mögu­lega er slökkvi­tækið komið út í skúr, eldvarna­teppið falið ofan í skúffu og hjálm­urinn óhreyfður á snag­anum. Fjöl­breytt úrval er til af fallegum örygg­is­vörum og við hvetjum þig til þess að kynna þér hvað sé í boði og láta öryggið passa.

Ökuvísir, sem er bylt­ing­ar­kennd nýjung á íslenskum trygg­inga­mark­aði, var kynntur til leiks á árinu 2021. Þetta er annar valkostur í ökutækja­trygg­ingum þar sem málið snýst um að keyra minna og betur og stuðla að öruggari umferð og minni kolefn­is­losun. Tilgang­urinn er að fækka umferð­ar­slysum á Íslandi. Við viljum hvetja viðskipta­vini okkar að keyra með öruggari hætti, því slíkur akstur dregur úr losun.

Viðskipta­vinum félagsins er verð­launað fyrir góðan og lítinn akstur með lægri iðgjöldum. Ökuvísir er eina bíla­trygg­ingin á Íslandi þar sem einungis tveir þættir hafa áhrif á verðið, þ.e. hvernig þú keyrir (akst­ur­s­ein­kunn) og hversu mikið þú keyrir. Ökuvísir snýst einfald­lega um að keyra vel — og borga minna. Verð­skrá fyrir trygg­ingu hefur aldrei verið jafn skýr og gagnsæ. Því betur sem þú keyrir, því minna borgarðu. Svo einfalt er það.

Minni og betri akstur dregur ekki einungis úr losun gróð­ur­húsaloft­teg­unda heldur dregur hann einnig úr neikvæðum umhverf­isáhrifum frá samgöngum á borð við stað­bundna loft­mengun (svifryks­meng­un), þynn­ingu óson­lags­ins, þrávirkra lífrænna efna, hávaða­mengun, svifryks­mengun, viðhaldi vega og bifreiða og umferð­ar­slys.

Þessi tækni er vel þekkt erlendis og þar sýnir reynsla að tjónum fækkar allt að að 20% hjá þeim sem nota slíka tækni. Við styðjum heims­markmið Sameinuðu þjóð­anna — sérstak­lega heims­markmið þrjú sem snýr að heilsu og vellíðan en þar beinum við spjótum okkar að forvörnum. Undir­markmið 3.6 fjallar um að fækka bana­slysum í umferð­inni. Með Ökuvísi og í samvinnu við viðskipta­vini okkar höfum við fulla trú á því að það takist að fækka bílslysum á Íslandi.

Þess ber að geta að meiri­hluti viðskipta­vina okkar með Ökuvísi hafa stór­bætt akstur sinn. Betri akstur þýðir færri tjón — og færri slys. Við erum stolt af þessu fram­lagi okkar til samfé­lagsins — því öruggt umhverfi skapar betra samfé­lag.

Árið 2021 var VÍS fyrsta trygg­inga­fé­lagið á Íslandi til þess að verða aðili að UN-PRI, reglum Sameinuðu þjóð­anna um ábyrgar fjár­fest­ingar. Í gegnum eigna­safn sitt hefur félagið mikil áhrif. Með því að taka tillit til sjálf­bærni­þátta í fjár­fest­ingum lágmarkar félagið áhættu tengda sjálf­bærni­málum — á sama tíma og það virkjar önnur félög til betri starfs­hátta.

Fjár­fest­inga­stefna

Fjár­fest­inga­stefna VÍS skal miða að því að skapa arðsemi með sjálfbær sjón­armið að leið­ar­ljósi. Í fjár­fest­ingum verði lögð áhersla á framúrsk­ar­andi rekstur, góða ávöxtun og mark­vissa innleið­ingu umhverfis- og lofts­lags­þátta, félags­legra þátta og hagsældar ásamt góðum stjórn­ar­háttum (UFS).

VÍS er aðili að UN-PRI (UN Principles for Responsible Invest­ment), en með því skuld­bindur félagið sig til þess að innleiða og útfæra megin­reglur Sameinuðu þjóð­anna um ábyrgar fjár­fest­ingar. Félagið er einnig aðili að IcelandSif, umræðu­vett­vangi um ábyrgar fjár­fest­ingar, þar sem mark­miðið er að efla þekk­ingu á ábyrgum fjár­fest­ingum.

Félagið skal leggja sitt af mörkum til aukinnar sjálf­bærni í íslensku samfé­lagi með því að leggja áherslu á sjálf­bærar fjár­fest­ingar og vera öðrum fyrir­tækjum hvatning til þess að gera slíkt hið sama.

Félagið leggur áherslu á öfluga upplýs­inga­gjöf þar sem sjálf­bærni er óaðskilj­an­legur hluti af fjár­hags­upp­lýs­ingum. Félagið skal leggja áherslu á gagnsæ vinnu­brögð og innleið­ingu UFS viðmiða við fjár­fest­ing­ar­ákvarð­anir sem og í fjár­fest­ing­ar­starf­semi þess.

Fram­kvæmd

Félagið skal leitast við að fjár­festa í fyrir­tækjum og sjóðum sem hafa sjálf­bærni að leið­ar­ljósi og taka virkan þátt í þróun á sjálf­bærum fjár­mála­af­urðum. Þetta gildi um allar fjár­fest­ingar félags­ins, þ.m.t. alla fjár­fest­ing­ar­flokka og fjár­magn í stýr­ingu utan­að­kom­andi aðila. Leitast skal við að fjár­festa í félögum sem fylgja alþjóð­legum viðmiðum um sjálf­bærni, til dæmis UN-PRI.

Í þeim tilvikum þar sem upplýs­ingar um tilteknar fjár­fest­ingar eru af skornum skammti er félaginu ekki unnt að ábyrgjast að þær fjár­fest­ingar muni samrýmast stefnu þess­ari. Af þeim sökum gildir stefnan ekki um allar óbeinar fjár­fest­ingar félags­ins, svo sem fjár­fest­ingar í sjóðum í stýr­ingu utan­að­kom­andi aðila, kaup­hall­ar­sjóði eða sérhæfða sjóði. Ef fjár­fest­inga­kostir, sem eru í boði, teljast vera sambæri­legir eða uppfylla kröfur félagsins um arðsemi og sjálf­bærni skulu slíkir kostir valdir.

Megin­reglur

Fjár­fest­ingar félagsins byggja á eftir­far­andi megin­reglum:

• Megin­regla 1: UFS viðmið skulu innleidd í allar fjár­fest­ingar og ákvarð­ana­töku.

• Megin­regla 2: Félagið skal í eigenda­hlut­verki sínu í sjóðum og fyrir­tækjum hvetja til þess að sjálf­bærni verði höfð að leið­ar­ljósi í hvívetna.

• Megin­regla 3: Félagið skal kalla eftir UFS upplýs­ingum í þeim fjár­fest­ingum sem það tekur þátt í, s.s. frá sjóðum og fyrir­tækjum.

• Megin­regla 4: Félagið skal beita sér fyrir innleið­ingu UFS viðmiða innan fjár­fest­ing­ar­geirans og hvetja til þátt­töku í IcelandSIF sem og aðild að UN-PRI.

Ákvörðun um útilokun

Forstjóri félagsins skal taka ákvörðun um útilokun á fjár­fest­inga­kostum sem uppfylla ekki viðmið og reglur um ábyrgar fjár­fest­ingar.

Gagnsæi

Gagnsæi ásamt ítar­legum og full­nægj­andi upplýs­ingum eru lykil­at­riði fyrir fjár­festa. Félagið væntir þess að fyrir­tæki veiti grein­ar­góðar upplýs­ingar um UFS þætti sem geta haft veruleg áhrif á grein­ingar og ákvarð­anir fjár­festa.

VÍS er framúrsk­ar­andi vinnu­staður með einstaka vinnu­staða­menn­ingu. Við sköpum tæki­færi fyrir starfs­fólkið okkar til þess að vaxa og dafna — í lífi og starfi. Við berum hag starfs­fólks okkar fyrir brjósti og viljum sýna umhyggju í verki. Við leggjum ríka áherslu á að VÍS sé góður og fjöl­skyldu­vænn vinnu­staður.

Við erum stolt af því að hafa náð að útrýma ­launamun kynj­anna hjá félag­in­u. Allt frá því að við settum jafn­rétt­is­málin á oddinn ­fyrir tæpum 20 árum hafa margir áfanga­sigrar unnist. Við vorum í hópi þeirra fyrir­tækja sem fyrst fengu jafn­launa­vottun fyrir fjórum árum eða í lok árs 2017 — og í samræmi við vott­unina hefur launamunur verið óveru­legur og innan viðmið­un­ar­marka. Nú höfum við náð þeim mikil­væga áfanga að ekki mælist launamunur hjá félag­inu.

Undan­farin þrjú ár höfum við fengið viður­kenn­ingu Jafn­væg­is­vogar FKA, við erum með 9 í jafn­réttis­ein­kunn­inni í GemmaQ, sem horfir til stjórnar og æðstu stjórn­enda fyrir­tækja í Kaup­höll­inni út frá jafn­rétti kynj­anna. Þess ber að geta að meðal­talið í Kaup­höll­inni er 7.

Við leggjum ríka áherslu á jafn­rétti — og er hlut­fall fram­kvæmda­stjóra og forstöðu­manna er til helm­ings konur og karlar. Við leggjum ríka áherslu á heil­brigða og góða vinnu­staða­menn­ingu — og öfluga ferla sem taka á erfiðum málum. Þetta skiptir okkur máli og við viljum vanda okkur.

Í jafn­réttis- og jafn­launa­stefnu VÍS kemur skýrt fram að VÍS er vinnu­staður þar sem kynbundin- kynferð­isleg áreitni, ofbeldi eða einelti líðst ekki. Hjá VÍS er skýr farvegur í málefnum er snúa að einelti og kynferð­is­legri áreitni þar sem starfs­fólki er gerð skýr grein fyrir boðleiðum og fram­vindu slíkra mála. Hjá VÍS er litið svo á að það sé sameig­in­legt verk­efni alls starfs­fólks að fylgja eftir jafn­réttis- og jafn­launa­stefnu félags­ins.

Hver og einn einstak­lingur verður að gæta þess að sýna virð­ingu, hrein­skiptni og nærgætni í samskiptum sínum við aðra. Einnig er það ábyrgð hvers starfs­manns að vera vakandi fyrir umhverfi sínu og siðferð­isleg skylda hans að bregðast við verði hann vitni að því sem gæti talist EKKO mál (EKKO er stytting á Einelti, Kynferð­isleg áreitni, Kynbundin áreitni og Ofbeldi).

Allir starfs­menn VÍS skrifa undir siða­sátt­mála þegar þeir hefja störf hjá félag­inu. Við leggjum mikla áherslu á gagnsæi og vönduð vinnu­brögð.

Við viljum einnig hjálpa viðskipta­vinum okkar að velja umhverf­i­s­vænni kosti. Við erum lögð af stað í sjálf­bæra vegferð og viljum auka umhverf­i­s­vægi í bíla­við­gerðum. Við viljum leggja okkar að mörkum til hringrás­ar­hag­kerf­is­ins, til dæmis með því að auka hlut­fall notaðra vara­hluta, þegar það á við.

Þess ber að geta að umfang okkar til hringrás­ar­hag­kerf­isins er umtals­vert — en undan­farin 20 ár höfum við selt um 1000 tjón­aðra bíla á ári. Bílarnir eru ýmist lagfærðir eða bútaðir í sundur til þess að gefa vara­hlut­unum fram­halds­líf.