Ertu að fara á flakkið?

Það hefur reynst mörgum bjarg­vættur að hafa trygg­ingar í lagi þegar slys eða veik­indi verða erlendis þar sem upphæðir í slíkum tilfellum geta fljótt orðið háar. Ferða­trygging VÍS gildir alls staðar í heim­inum í 92 daga. Ferða­trygg­ingar á kred­it­kortum gilda alls staðar í heim­inum í annað hvort 60 daga eða 90 daga - það fer eftir því hvaða kort þú ert með.

Gott að vita

Ferða­trygging er valkvæð í heim­il­is­trygg­ingu VÍS en algengt er að fólk sé með ferða­trygg­ingar á kred­it­kort­unum sínum. Við mælum svo sann­ar­lega með því að fólk sé með ferða­trygg­ingar á báðum stöðum. Helsti kostur þess er sá að ef hámarks­bóta­fjárhæð er náð í annarri trygg­ing­unni þá tekur hin trygg­ingin við til að ná yfir allan kostn­að­inn. Auk þess er hægt að fram­lengja ferða­trygg­ingu í heim­il­is­trygg­ingu VÍS sem ekki er hægt á kort­unum. Þetta getur verið mikil­vægt þegar um alvarleg slys eða veik­indi er að ræða og einstak­lingur lendir inn á sjúkra­húsi eða þarf flutning heim til Íslands.

Áður fyrr þurfti að greiða fyrir ferðir erlendis með því kred­it­korti en í dag þarf það ekki. Svo lengi sem þú ert með kort sem inni­heldur ferða­trygg­ingar, eru trygg­ing­arnar gildar. Þá er gott að vita að ferða­trygg­ingar á kred­it­kortum gilda líka á ferða­lögum innan­lands en til að þær séu gildar innan­lands þarf annað hvort að greiða helming ferða­kostn­aðar innan­lands með kort­inu, nýta raðgreiðslur eða bóka gist­i­rými fyrir fram og gefa upp korta­númer til greiðslu. Mikil­vægt er að ganga frá kaupum eða bókun áður en þú leggur af stað í ferðina frá heim­ilinu þínu.

Ef eitt­hvað kemur upp á

Ef þú forfallast í ferð, þarft að sækja lækn­is­þjón­ustu, liggur inn á sjúkra­húsi hálfan ferða­tímann eða neyðist til að stytta ferðina þína getur þú sótt bætur í ferða­trygg­inguna þína. Þá eru bætur einnig greiddar ef farang­urinn þinn tefst og farang­urinn sjálfur er sömu­leiðis tryggður. Áður en þú getur sótt bætur vegna forfalla í ferð þarftu fyrst að leita til sölu­að­ila. Ef þú færð ekki allan útlagðan kostnað endur­greiddan hjá sölu­aðila sækir þú í ferða­trygg­inguna þína. Algeng­ustu tjón sem eru tilkynnt eru forfalla­tjón og sjúkra­kostn­aður erlendis - því er mikil­vægt að halda utan um alla reikn­inga, myndir og skýrslur ef til tjóns kemur.

Við mælum með því að vera með skráða ,,Emer­gency contacts“ í símanum hjá þér þannig að viðbragðs­að­ilar geti auðveld­lega haft samband við rétta aðila eða aðstand­endur ef nauðsyn krefur.

Mikil­vægt er að hafa evrópska sjúkra­trygg­inga­kortið með í för þegar ferðast er um Evrópu. Þú sækir um kortið á island.is en það gildir hjá allri opin­berri heil­brigð­is­þjón­ustu í EES löndum, Bretlandi og Sviss. Ef farið er á einka­rekna sjúkra­stofnun er óskað eftir stað­fest­ingu ferða­trygg­ingar. Inn á vis.is getur þó sótt þessa stað­fest­ingu og haft hana til taks í símanum þínum eða prentað hana út.

Á stað­fest­ing­unni eru allar helstu upplýs­ingar sem þú þarft að vita ef um alvar­legt slys eða ófyr­irséð og alvarleg veik­indi bera að á ferða­lagi erlendis. Mikil­vægt er að tilkynna slys eða veik­indi til SOS Internati­onal en þau sjá um að stað­festa ferða­trygg­inguna fyrir þig og greiða fyrir þá þjón­ustu sem þér er veitt sé atvikið bóta­skylt. Starfs­fólk SOS Internati­onal er sérþjálfað og þau geta aðstoðað þig við að útvega lækni, sjúkra­hús­vist og heim­flutn­ing. Hægt er að hafa samband við SOS allan sólar­hring­inn.

Tékklist­inn:

• Láttu vita af ferðum þínum.

• Merktu farang­urinn þinn.

• Vertu með stað­fest­ingu ferða­trygg­ingar til taks.

• Skráðu tengi­liði sem ,,Emer­gency contacts“ í símann.

• Ef eitt­hvað kemur upp á, passaðu vel upp á alla reikn­inga, myndir og skýrslur því þú gætir þurft að fram­vísa þessum gögnum þegar þú tilkynnir tjónið.

Algengar spurn­ingar um ferða­trygg­ingar