Verktrygging
Verktrygging er ætluð verktökum. Með tryggingunni ábyrgist VÍS verkkaupa með óafturkallanlegum hætti greiðslu vegna vanefnda verktaka á verksamningi milli aðila. Tryggingarfjárhæðin er yfirleitt tilgreind sem ákveðið hlutfall af samningsfjárhæð í verksamningi.
Forsenda fyrir veitingu verktryggingar er að tryggingartaki sé viðskiptavinur VÍS og að hann skuldbindi sig til að standa skil á þeirri fjárhæð sem VÍS kann að þurfa að greiða með því að leggja fram fasteignaveð eða handveð.
Tryggingin bætir
- Tjón sem verkkaupi verður fyrir ef tryggingartaki efnir ekki skyldur sínar samkvæmt verksamningi.
Tryggingin bætir ekki
- Tjón sem varða verk sem ekki eru tilgreind á skírteini og eru ekki hluti af þeim verksamningi sem tryggður er.
- Vinsamlegast athugaðu að umfjöllun um trygginguna er ekki tæmandi. Nánari upplýsingar er að finna í skilmála tryggingarinnar.
- Sé ósamræmi milli umfjöllunarinnar og skilmálans þá gildir skilmálinn.
Skilmálar og aðrar upplýsingar
Tryggingaskilmálar eru samningur þinn við VÍS. Mikilvægt er að þú kynnir þér skilmálana vel og áttir þig á því hvað er bætt og hvað er ekki bætt, áður en tryggingin er tekin.
Í upplýsingaskjali er að finna stutta samantekt á helstu þáttum tryggingarinnar. Upplýsingaskjöl eru stöðluð skjöl sem öllum tryggingafélögum ber að birta og auðveldar þannig viðskiptavinum tryggingafélaganna að bera saman tryggingar og sjá hvað þær bæta og bæta ekki.