Viðskipta­vinir VÍS í Grindavík fá trygg­ingar endur­greiddar

Líkt og hjá allri þjóð­inni, þá er hugur okkar hjá Grind­vík­ingum. Við viljum gera það sem við getum til að koma til móts við viðskipta­vini okkar á svæðinu sem standa frammi fyrir mikilli óvissu. Í ljósi aðstæðna höfum við ákveðið að endur­greiða einstak­lingum og fyrir­tækjum iðgjöld af fast­eignum og heim­ilum sem nemur fjórum mánuðum enda óvíst hvenær hægt verður að snúa aftur til Grinda­víkur.

Við endur­greiðum einstak­lingum iðgjöld fyrir bruna-, húseig­enda-, og fjöl­skyldu- og innbús­trygg­ingar. Fyrir­tækjum endur­greiðum við iðgjöld fyrir bruna- og húseig­enda­trygg­ingar.

Starfs­fólk VÍS hefur auk þess boðið Grind­vík­ingum að fá sumar­bú­staði starfs­manna­fé­lagsins til afnota.

Við vonum inni­lega að þetta komi sér vel fyrir Grind­vík­inga á þessum erfiðu tímum og verðum í sambandi við viðskipta­vini okkar eftir helgi um næstu skref.

Spurt & svarað

• Hvaða mánuði mun VÍS endur­greiða?
  Við endur­greiðum iðgjöld af trygg­ingum sem nemur fjórum mánuðum fyrir utan lögboðin opinber gjöld.

• Á þetta líka við um fast­eignir utan Grinda­víkur?
  Nei, þetta á einungis við um fast­eignir í Grinda­vík.

• Þarf ég að hafa samband til að fá endur­greitt?
  Nei, engar áhyggjur við sjáum um þetta og höfum samband við þig.

Ef þú ert með einhverjar spurn­ingar eða vanga­veltur þá hvetjum við þig til þess að senda okkur fyrir­spurn eða heyra í okkur í síma 560 5000. Við erum til staðar fyrir þig.