Skólar að byrja

Nú þegar skólar eru að hefjast á ný þéttist umferð með aukinni hættu á aftanákeyrslum og gangandi og hjólandi krakkar verða meira áberandi í kringum skólalóðir.

Það er ekki hægt að gera ráð fyrir því að þau séu endilega með alla athyglina á umferðinni og því er mikilvægt að ökumenn séu vel vakandi.

Þetta er því tilvalinn tími til að ræða við börnin um umferðaröryggi og það sem eykur öryggi þeirra í umferðinni.

Allir noti alltaf réttan öryggisbúnað í bílnum
Fyrir þau sem eru yngri en 12 ára þá er aftursætið öruggast
Ef barnið er lægra en 150 sm á hæð þá má ekki sitja fyrir framan virkan loftpúða
Ef barnið ferðast á hjóli að hafa hjálminn í lagi og rétt stilltan
Vera með endurskinsmerki á tösku og úlpu
Muna að tónlist í eyrum og skjánotkun síma eykur slysahættu
Velja öruggustu leiðina í skólann, en ekki endilega stystu
Líta tvisvar í báðar áttir áður en farið er yfir götu

Fréttasafn

Deila frétt