Öll fyrir­tæki geta sótt um Forvarna­verð­launin

Í fyrsta sinn geta öll fyrir­tæki á landinu sótt um Forvarna­verð­laun VÍS, óháð því hvar þau eru tryggð. Verð­launin hafa verið veitt árlega frá árinu 2010 og eru orðin veiga­mikill vett­vangur til að vekja athygli á fram­sýnu og öflugu öryggis- og forvarn­ar­starfi á íslenskum vinnu­stöðum. 

„Öryggi er samfé­lags­legt verk­efni, ekki samkeppn­is­mál. Það er verk­efni fyrir­tækja, stjórn­valda og samfé­lagsins í heild að tryggja að allir komist heilir heim. Við viljum efla umræðuna um mikil­vægi öryggis og forvarna og bjóðum því öllum fyrir­tækjum og stofn­unum landsins til þess að sækja um verð­laun­in,“ segir Guðný Helga Herberts­dóttir, forstjóri VÍS.   

Verð­launin eru veitt í tveimur flokkum: annars vegar fyrir fyrir­tæki með færri en 100 starfs­menn og hins vegar fyrir fyrir­tæki með 100 starfs­menn eða fleiri. Við val er horft til heild­ar­sýnar á örygg­is­starf: m.a. fræðslu, viðbragðs­áætlana, forvarna­vinnu og þátt­töku starfs­fólks. 

Guðný leggur áherslu á að sterk örygg­is­menning skili sér í betri vellíðan starfs­fólks. „Þetta snýst ekki bara um kerfi og skýrslur, heldur um fólk og örygg­is­til­finn­ingu þeirra. Á endanum skilar sér það í betri vellíðan og meiri árangri í starfi.“ 

Hægt er að sækja um forvarna­verð­launin á vis.is til 30. október nk. Verð­launin verða veitt á Forvarna­ráð­stefnu VÍS sem haldin í Hörpu verður þann 12. mars 2026. Ráðstefnan verður tileinkuð umferðarör­yggi þar sem boðið verður upp á erindi, reynslu­sögur og innsýn í öflugt örygg­is­starf fyrir­tækja, auk umfjöll­unar um þær áskor­anir sem steðja að íslensku samfé­lagi á þessu svið­i.