Mikil­vægt að vera á tánum

60 hálku­slys á einum degi

„Ég hvet öll til að nota mann­brodda, fara í skó með grófum sóla, stytta skrefin og fara jafnvel yfir í mörgæ­sa­ganginn svokallaða til að minnka líkur á að detta a.m.k. í dag og um helg­ina. Þegar viðlíkar aðstæður voru síðast fyrir um mánuði síðan komu 60 einstak­lingar á bráða­mót­töku Lands­spít­alans vegna hálku­slysa og voru 29 þeirra með bein­brot. Þannig það er til mikils að vinna að gera allt til að halda sér á fótunum“ segir Sigrún.

Möguleg vatns­tjón um helgina 

Þó ekki verði endi­lega asahláka í þessum hlýindum þá er snjór og klaki yfir öllu og jörð gadd­freðin og tekur ekki við neinu vatni. Þá er eins gott að niður­föll virki og vatn eigi greiða leið að þeim bendir Sigrún á og ef enginn man hvar niður­fallið er stað­sett þá er t.d. hægt að sjá það á Borg­ar­vefsjá fyrir Reykja­vík.  

„Við þessar aðstæður er ágætis mögu­leiki á að það leki með plötu­skilum, sprungum, þaki og svölum húsa sem eru óbóta­skyld tjón. Það er því svo mikil­vægt að moka snjónum frá veggjum og af svölum svo blautur snjórinn og vatn liggi ekki þar.“   

Alvarleg tjón í sumar­húsum

Undan­farnar vikur hafa því miður orðið alvarleg tjón í sumar­húsum hjá viðskipta­vinum okkar þar sem vatn hefur frosið í lögnum. „Dæmi eru þar um mjög miklar skemmdir, mun meiri en nokkur getur ímyndað sér nema þeir sem hafa reynt það og því mikil­vægt að sumar­húsa­eig­endur kíki við og athugi hvort allt sé í lagi um helgina og næstu daga.“

Sigrún segir að ef ekkert vatn komi úr krönum eða að hiti farinn af húsi þurfi að finna rót vand­ans. Hafi kalda vatnið frosið geti hjálpað að láta heita vatnið renna í einhvern tíma. Ef það beri ekki árangur þurfi að finna út hvar frosið er og hita upp það svæði undir eftir­liti. Gangi ekki að koma vatni á þarf að skrúfa fyrir neyslu­vatnið og heyra í pípara.

Skemmti­legt viðtal var tekið við Sigrúnu um stöðuna í Bítinu á Bylgj­unni.