Gulur sept­ember

Í sept­ember er lögð sérstök áhersla á þetta mikil­væga málefni með herferð­inni Gulur sept­ember, þar sem mark­miðið er að minna á mikil­vægi forvarna gegn sjálfs­vígum og styðja þá sem glíma við andlega erfið­leika.

Í sjálfs­vígs­for­vörnum er samvinna besta vopnið því við getum öll haft áhrif  með því að tala opin­skátt um andlega heilsu, brjóta niður þögn­ina.

Líftrygg­ingar eru mikil­vægar í okkar starf­semi og því tengjum við jafn­framt sterkt við þetta málefni. Líftrygg­ingar snúast ekki aðeins um fjár­hags­legt öryggi – þær minna okkur líka á mikil­vægi þess að standa saman, hugsa um velferð hvers annars og bregðast við þegar lífið verður ófyr­ir­sjá­an­legt.

Píeta­sam­tökin sinna mjög mikil­vægu starfi í forvörnum og meðferð við þá sem eru í sjálfs­vígs­hættu eða sjálfsskaða og stuðn­ingur við aðstand­endur. Þjón­ustan er gjald­frjáls.  Með því að styðja Píeta­sam­tökin viljum við leggja okkar af mörkum til þess að veita von, öryggi og stuðning í samfé­lag­inu.

10. sept­ember, á alþjóð­legum degi sjálfs­vígs­for­varna, hvetjum við alla til að klæðast gulu til að sýna samstöðu, veita von og minna á að enginn þarf að ganga í gegnum erfiða tíma einn. Gulur litur táknar birtu, hlýju og von – það sem við viljum að andleg heilsa allra endur­spegli.

Sýnum kærleika en jafn­framt aðgát og umhyggju ❤️

Munum síma Píeta­sam­tak­anna 552 2218 og Hjálp­arsíma Rauða Krossins 1717.