Fréttasafn
|10.12.2025
Gleymum ekki eldvörnunum heima
Aðventan og jólin eru tími kertaljósa, skreytinga og notalegrar stemningar. Aukinn notkun sería, kertaljósa og eldamennsku eykur hættu á að eitthvað geti farið úrskeiðis og eldur orðið laus.
Verum meðvituð og gerum allt sem við getum til að koma í veg fyrir að það gerist en því miður þá sýnir tölfræði okkar að flestir brunar verða einmitt á þessum tíma og fram í janúar.
Pössum upp á
… að skraut sé ekki nærri logandi kerti eða það skilið eftir eitt.
… að skipta glóperuseríum út fyrir LED seríu.
… að gæta þess að ofhlaða ekki fjöltengi.
… að skipta út biluðum seríum eða rafmagnstækjum.
… að slökkva á eldavélinni þegar farið er úr eldhúsinu.
… að hlaða rafmagnstæki á hörðu undirlagi og skilja hleðslutækið ekki eftir í sambandi þegar það er ekki í notkun.
… að hlaða rafmagnstæki ekki yfir nóttu, sérstaklega hlaupahjól.
Höfum þetta alltaf til staðar
Virka reykskynjarar í öllum rýmum.
Yfirfarið 6 kg slökkvitæki staðsett við flóttaleið.
Sýnilegt eldvarnateppi eldhúsinu.
Virkan gasskynjara ef gaseldavél er til staðar.
Við mælum með LED kertum þar sem þau eru örugg í notkun og gefa svipað útlit og hefðbundin kerti.