Alcoa Fjarðaál og Sæplast hlutu Forvarna­verð­laun VÍS

Tækni og gögn undir­staða öryggis

Alcoa Fjarðaál hlaut verð­launin í flokki fyrir­tækja með fleiri en 100 starfs­menn. Alcoa Fjarðaál á Reyð­ar­firði er eitt nútíma­leg­asta og tækni­vædd­asta álver í heimi þar sem ítrasta öryggis er gætt í öllum þáttum starf­sem­innar. Áhættumat og ítar­legar grein­ingar eru undir­staða öryggis þar sem hver vakt byrjar á örfundi þar sem farið er yfir stöðu verka og öryggis­at­riði rýnd. Öflugt eldvarna­eft­irlit er til staðar og fá 30 manns reglu­bundna þjálfun hjá Slökkvi­liði Fjarð­ar­byggðar. Ferlar, skipulag og gagna­vinnsla styður allt við öfluga örygg­is­menn­ingu hjá Alcoa Fjarða­áli.

Virk þátt­taka og fram­taks­semi

Í flokki fyrir­tækja með færri en 100 starfs­menn bar Sæplast sigur úr býtum. Sæplast, sem stað­sett er á Dalvík, hefur löngum verið á heims­mæli­kvarða í hönnun og fram­leiðslu á plast­kerum og er hluti af alþjóð­legri samstæðu Rotovia. Forvarnir og örygg­ismál eru samofin allri starf­semi og stjórn­endur virkir þátt­tak­endur. Mikil áhersla er á úrbætur í kjölfar atvika, slysa eða næstum slysa og hafa lausnir við þeim vakið athygli innan samstæð­unnar og innleiddar þar.

Hvatn­ing­ar­verð­laun fyrir góðan árangur

Auk Alcoa Fjarðaáls og Sæplasts fengu Corip­harma, FISK-­Sea­food, Colas Íslandi og Loftorka Reykjavík hvatn­ing­ar­verð­laun VÍS fyrir eftir­tekt­ar­verðan árangur í örygg­is­málum.

„Öryggi er eitt­hvað sem þarf að vinna stöðugt í til að viðhalda því og efla enda breytast áskor­anir með tímanum sem og kröfur okkar um öryggi. Við erum stolt af viðskipta­vinum okkar sem standa sig framúrsk­ar­andi vel í örygg­is­málum. Fyrir­tækin sem voru heiðruð í dag eiga skilið lof fyrir árangur sinn og ættu að vera öllum til fyrir­mynd­ar,“ segir Guðný Helga Herberts­dóttir, forstjóri VÍS.