Vetr­arakstur getur verið strembinn

Góð ráð fyrir vetr­arakstur

Bílbelti, rétt stilltur höfuð­púði og góð dekk eru atriði sem öll þurfa að vera meðvituð um allan ársins hring en á veturna sérstak­lega þarf að hægja á sér þegar skyggni er slæmt eða hálka og snjór á vegum og passa vega­lengd á milli bifreiða. Til að mynda þá er heml­un­ar­vega­lengd á 90 km/klst hraða allt að fjór­falt meiri þegar það er hálka og þá eru við ekki að tala um fljúg­andi hálku.

„Ver­andi utan af landi þá lærði maður fljótt að aka í vetr­ar­að­stæðum og mitt besta ráð er að þegar maður lendir í mikilli hálku að ýta mjúk­lega á bremsuna og þannig stýra bílnum rétta leið en alls ekki kloss bremsa. Þá er einmitt gott að vera með nóg pláss til að athafna sig og ekki ofan í næsta bíl.“

Skafið allan hringinn

Rúðu­skafa er jafn mikilvæg og það að vera með virka miðstöð í bílnum og þá dugar ekki að skafa bara framrúð­una. „Það er eina vitið að skafa allan hringinn og ljósin líka áður en lagt er af stað. Einnig mæli ég með því að tjöruþvo dekkin af og til yfir veturinn og ef á að fara lengri leiðir að skoða veður og færð áður en lagt er af stað.“