Svarta­hálka varasöm

Þekkir þú svarta hálku?

Líklegast ekki í sjón enda er hún svo til ósýnileg og kemur hún okkur yfir­leitt í opna skjöldu. „Svarta­hálka myndast þegar blautt er úti en frystir síðan snögg­lega og verður til þess að fallslys og árekstrar, sér í lagi aftaná­keyrslur, eru í háum hæðum. Á slíkum dögum eru jafnvel 30 einstak­lingar eða fleiri að leita á slysa­deild vegna hálku­slysa“ segir Sigrún. ,,Stundum næst að upplýsa einstak­linga um hálkuna í fjöl­miðlum í tíma en alls ekki alltaf“ bætir Sigrún við.

Hvað er best að gera?

Þegar blautt eða rakt hefur verið úti og frystir snögg­lega ættum við að hafa svarta­hálku í huga bendir Sigrún á. „Við þessar aðstæður skauta bílar gjarnan áfram þó dekkin séu góð og fólk rennur þó skórnir séu stamir. Þá gildir að hægja á sér sama hvort sé á bíl, hjóli eða gang­andi. Ökumenn verða eins að gæta að bili yfir í næsta bíl og taka enga sénsa í umferð­inni. Að salta og sanda er líka góð vörn við þessar aðstæður sama hvort er við heim­ili, fyrir­tæki eða stofn­anir“ segir Sigrún enda getur svarta­hálka verið svo lúmsk og ekki endi­lega greini­leg.