VÍS býður hunda sérstak­lega velkomna í heim­sókn

Við elskum hunda og bjóðum þá sérstak­lega velkomna á allar þjón­ustu­skrif­stofur okkar um land allt. Mann­fólkinu er boðið upp á kaffi og súkkulaði en besti vinurinn er leystur út með nammi og leik­fangi til að taka með heim.

„Okkur langar að fá bestu vinina í heim­sókn inn til okkar í stað þess að þeir séu látnir bíða fyrir utan. Við erum eitt af þeim fyrir­tækjum þar sem hundar eru hluti af viðskipta­vinahóp okkar og þeir verða alltaf velkomnir til okkar. Ég er sjálf mjög mikil hunda­kona og það verður gaman að fá að heilsa upp á alla ferfætl­ingana og eigendur þeirra sem koma í heim­sókn. Ég veit líka að það mun vekja mikla forvitni heima fyrir þegar Grímur og Emmi, frönsku bola­bít­arnir mínir, taka á móti mér eftir vinnu og finna lyktina af öðrum loðnum viðskipta­vinum VÍS“ segir Ingi­björg Ásdís fram­kvæmda­stjóri sölu og þjón­ustu.  

Ábyrgð hunda­eig­anda

Við viljum biðja eigendur hunda sem koma í heim­sókn að virða annað fólk á skrif­stof­unni, t.d. ef einhver tilkynnir ofnæmi eða líður illa í kringum þá, vera með ól á þeim allan tímann og vera viðbúin að þrífa upp ef „slysin“ gerast.